सिरहा।
गुलाबसाह खातुनलाई न्याय दिलाउँन र संजय न्यौपानेलाई शहिद घोषित गर्न गोलबजारमा सनराईज युथ सिरहा संजालद्वारा रैली प्रदर्शन गरिएको थियो।
सनराइज युवा सिरहा संजालद्वारा निकालिएको रैली गोलबजारको गोलपार्क (गोल्चकर) देखी गोलबजारको रा.रा तामांग जनता बहुमुखी क्याम्पस हुदै बजारबाट निस्केर इलाका प्रहरी कार्यलय हुदै पुन: गोलपार्क पुगी रैली प्रदर्शन समाप्त गरेका थिए। उक्त रैली प्रदर्शनमा झन्डै १०० जनाको सहभागी रहेको थियो।
साथै प्रदर्शनमा महिला हिंसा बन्द गर, बलात्कारीलाई फासी दे, stop women violence, Stop Rape, Break Silence Speak For You, Hang the Rapist , Be Self Defenced, गुलाबसाह खातुनलाई न्याय दे, संजय न्यौपानेलाई शहीद घोषित गर, नाराहरु समेत लगाएका थिए।
प्रदर्शन पछि मैन्वती बालेर मृतकलाई हार्दिक श्रद्धाञ्जली तथा पीडकलाई कडा सजायको माग गर्दै शान्तिपूर्ण आन्दोलन गरेको छ। अन्त्यमा भएको कोण सभामा (TMNC) टिएमएनसीका जिल्ला संयोजक शत्रु यादव, सनराइज युवा सिरहाका सदस्यहरु समेत आफ्नो मन्तब्य राखेका थिए।
महोत्तरीको बर्दिबास नगरपालिका वडा नम्बर १४ मा बस्ने शहील आलमकी छोरी गुलाबसाह खातुनलाई बलात्कार गरी हत्या गरेर शव झाडीमा फालिएको थियो।हत्याको आरोपमा प्रहरीले गौशाला- ५ का २५ वर्षीय अरुणकुमार साहलाई नियन्त्रणमा लिएको छ। तर अहिसम्मा गुलाब साह खातुनलाइ न्याय मिलेको छैन। प्रदर्शनका क्रममा प्रहरीले गोली चलाउँदा केही घाइते भएका थिए । घाइतेमध्ये बर्दिवास नगरपालिका-१ बस्ने ४० वर्षीय संजय भनिने बुद्धिराज न्यौपानेको मृत्यु भएको थियो ।
