महोत्तरी । महोत्तरी जिल्लाको रामगोपालपुरमा प्रमुख अथिति मधेश प्रदेशका सांसद एबम पूर्व आन्तरिक मामिला तथा कानुन राज्य मन्त्री सरोज सिंह कुशवाहा द्वारा रामगोपालपुर नगरपालिका वडा नं.३ दोलाठीमा श्री दोलाठी यूनाइटेड युवा क्लवको भवन शिलान्यास कार्यक्रम सम्पन्न भएको छ।
कार्यक्रममा विशिष्ट अतिथि नगर प्रमुख राम दुलर साह, अतिथिको रूपमा वडा-३ का वडा अध्यक्ष जय नारायण मण्डल, वडा-४ का वडा अध्यक्ष उमेश महतो, क्लवको अध्यक्ष संतोष कुमार मण्डल र अन्य नागरिक समाजका प्रतिनिधिहरू, युवाहरूको उपस्थितिमा शिलान्यास समारोह आयोजना गरिएको थियो।
सांसद सरोज सिंह कुशवाहाले सो अवसरमा युवाहरूको समृद्धि र सहभागितामा आधारित कार्यक्रमहरूको महत्वलाई जोड दिँदै यस भवनले स्थानीय युवाहरूलाई खेलकुद र सामाजिक गतिविधिहरूमा प्रोत्साहन दिने विश्वास व्यक्त गर्नुभयो।
समारोहमा विभिन्न स्थानका स्थानीय प्रतिनिधि र युवा वर्गको उपस्थिति रहनु यस परियोजनामा समुदायको व्यापक सहभागिता र समर्थनको प्रतीक भएको बताइएको छ।
