जनकपुरधाम वैशाख २ गते। जल प्रदुषण र जमिन प्रदुषण नियन्त्रणका लागि एक महत्वपूर्ण सन्देश शितलता का प्रतिक लोक पर्व जुडशितल देवभूमि जनकपुरधामको पवित्र सरोवर गंगासागरमा मनाएको छ।
सेभ हिस्टोरिकल जनकपुरधाम, महगंगा आरती गंगासागरको संयोजन भएको कार्यक्रमलाई सम्बोधन गर्दै प्रमुख अतिथि मधेश प्रदेश नीति अायोगका उपाध्यक्ष संस्कृति संरक्षण अभियन्ता प्रा डा भोगेन्द्र झा ले लोप हुने अवस्थामा पुगेको लोक पर्व जुडशितललाई संरक्षण गर्नुपर्ने कुरा मा जोड दिनुभयो ।
कार्यक्रममा बोल्दै गंगा सागर सफाई अभियानका प्रणेता,संस्कृति संरक्षण अभियन्ता प्रदेश सांसद रामअशिष यादवले प्रकृति रक्षणको सन्देश स्वरूप स्वच्छता अभियन्ताहरुले गत ८ वर्ष देखि निरन्तर जल प्रदुषण, जमिन प्रदुषण र वायु प्रदूषण नियन्त्रण का भागिरथ प्रयास गर्दै आएका कुरा बताउनुभएको छ।
सेभ हिस्टोरिकल जनकपुरधाम का अध्यक्ष अधिवक्ता राजकुमार महासेठ को अध्यक्षतामा सम्पन्न कार्यक्रममा मधेशी आयोग का अध्यक्ष, गंगा सागर सफाई अभियन्ता डा विजय दत्त, जनकपुरधाम उधोग वाणिज्य संघ का उपाध्यक्ष अम्भु प्रसाद,योग गुरु कृष्ण चन्द्र साह, बरिष्ठ कबिराज राम छबिला यादव सहित का वक्ता हरुले जुडशितलको महत्व विषयमा विचार व्यक्त गरेका छन्।
सेभ हिस्टोरिकल जनकपुरधामका कोषाध्यक्ष रवि गोयन्काको कुशल उदघोषणमा सम्पन्न भएको कार्यक्रममा जनकपुरधाम का युवा हरुको सहभागिता रहेको थियो।
