जनकपुरधाम, आषाढ २७ गते। जनता समाजवादी पार्टी नेपालका समाजवादी नेता प्रदेश सांसद रामअशिष यादवले समृद्धिको मुल मन्त्र गुणस्तरीय शिक्षा रहेको कुरा बताउनुभएको छ।
शहिदनगर नगरपालिका वार्ड नं ३ यदुकूहा स्थित श्री जनता एकाई माध्यमिक विद्यालय भवनको समुद्घाटन गर्ने क्रममा प्रमुख अतिथि प्रदेश सांसद यादवले सामुदायिक विद्यालय मा शिक्षा सुधार नभए समृद्धि हुन नसक्ने कुरा बताउनुभएको छ।
सो अवसरमा बोल्दै विशिष्ट अतिथि शहिदनगर नगरपालिका नगर प्रमुख दिनेश प्रसाद यादवले शहिदनगरको ३२ वटा सामुदायिक विद्यालयमा शिक्षा सुधार अभियान शुरु गर्ने कुरा बताउनुभएको छ।
प्रदेश सांसद रामअशिष यादवको समन्वय र सामाजिक विकास मन्त्रालय, सामाजिक विकास इकाई को सहयोग मा ३० लाख रुपैयाँको लागतमा विधालय भवन को निर्माण भएको कुरा ई सरोज साहले जानकारी दिए का छन्।
बिधालय का प्राधानाध्यापक रामनारायण ठाकुर को अध्यक्षता सम्पन्न कार्यक्रममा शिक्षा सुधार अभियान का दुत अम्भु प्रसाद साह, शहिदनगर का शिक्षा संयोजक तथा वडा अध्यक्ष उमेश निराला, वार्ड नं ३ का अध्यक्ष मनोज दास, शिक्षक महादेव साह, अभिभावकहरू सुरज साह, महादेव हाथी सहितका वक्ताहरुले शिक्षा सुधार अभियान को चर्चा गर्नुभयो।
सो कार्यक्रममा प्रदेश सांसद रामअशिष यादवले शिक्षा सुधार अभियान अन्तर्गत विधालयका प्रधानाध्यापक र शिक्षक र शिक्षिकाहरु लाई सम्मान गरेका छन्।
