काठमाडौं । नेकपा महासचिव नेत्र बिक्रम चन्द (विप्लव) ले आफूहरुलाई सकियो भन्नेहरुलाई चुनौती दिएका छन् । बुधबार पूरानोबानेश्वरस्थित ग्लोबल कलेजमा उनी आफैँले लेखेको ‘रेड फ्रन्ट’ पत्रिका विमोचन कार्यक्रममा बोल्दै आफूहरुलाई सकियो भन्नेहरुलाई चुनौती दिँदै समाजवादको कल्पना पूरा नभएसम्म आफूहरु विद्रोहमै रहने उनले बताए ।
उनले भने, ‘हामी वैज्ञानिक समाजवाद चाहन्छौँ । हामीलाई सिद्धिन्छौँ भन्थे आज यो स्थितिमा छौँ । पुँजीवादले मानव जातीलाई राम्रो कुरा दिन सकेन । पुजीवादले काम चल्दैन । मानवजातीको हितमा हामीले काम गर्नुपर्छ । ज्ञान एकलौटी हुन्न सबैबाट लिनु पर्छ । पुँजीवादले नपुगेपछि वैज्ञानिक समाजवाद अगाडि ल्याइएको हो । राजनीतिमा दलालीकरण भएको छ ।’ समाजवादकै विचार पुर्याउनका निम्ति यस्ता किताबहरुको प्रकाशन गरिएको पनि उनले बताएका छन् । उनले जसरी हुन्छ दालल पुँजीवादलाई परास्त नगरी समाजवादमा पुग्न नसकिने पनि बताए ।‘समयमा फूलहरुलाई जोगाएन भने फूल झर्छ । त्यसैले यस्ता कार्यक्रमको आयोजना गरिएको हो । गलत कुरामा हामीले विद्रोह गरेका हौँ । राजनीतिमा हामीले जे बुझेको छौँ त्यसलाई अगाडि लिएर जानुपर्छ । कुर्सीको लागि देशलाई डुबाउने जस्ता काम भएका छन् । दलाल पुँजीवादलाई परास्त गर्नु पर्छ । झुपडीमा बसेर किसानसँग समाजवाद पढिँदै छ । आकासमा नाचेर समाजवाद आउँदैन । जमिनमा दुख गर्नु पर्छ ।’ त्यसैले विप्लवका अनुसार अब हुने भनेको एकीकृत जनक्रान्ति हो । उनले भने, ‘समाजवाद व्यवस्थाको विकल्प छैन । जनताले खान पाउनु पर्छ । पढ्न पाउनु पर्छ । यस्को सबै जिम्मा राज्यले लिनुपर्छ । मिडिया दलालीकरणबाट बच्नु पर्छ ।’साथै, समाजवाद नआएसम्म आफूहरुको विद्रोह जारी रहने विप्लवको अडान छ ।
प्रधानमन्त्री शेरबहादुर देउर्वा र नेपाल कम्युनिष्ट पार्टीका महासचिव नेत्रविक्रम चन्द ‘विप्लव’बीच भेटवार्ता भएको छ ।प्रधानमन्त्री शेरबहादुर देउवा भेट्न विप्लवको साथमा नेताहरू खड्गबहादुर विश्वकर्मा र धर्मेन्द बास्तोला पनि बालुवाटार पुगेका छन् ।भेटमा अघिल्लो सरकारसँग भएको तीन बुँदे सहमति कार्यान्वयनका विषयमा प्रधानमन्त्रीसँग छलफल भइरहेको बताइएको छ ।ओली नेतृत्वको सरकारसँग तीन बुँदे सहमतिपछि विप्लव नेतृत्वको नेकपा शान्तिप्रक्रियामा आएको थियो ।छलफलमा गृहमन्त्री बालकृष्ण खाँण उपस्थित छन् ।
यसैगरी नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा विप्लव समूहका महासचिव नेत्रविक्रम चन्द विप्लवबीच भेटवार्ता भएको छ ।शान्तिपूर्ण राजनीतिमा आएपछि विप्लवले पहिलो पटक प्रचण्डलाई भेटेका हुन् । उनी पार्टीका नेता धर्मेन्द्र बास्तोलालाई लिएर प्रचण्ड निवास खुमलटारमा पुगेका थिए ।
त्यसैगरी एमालेका अध्यक्ष केपी शर्मा ओली र नेत्रविक्रम चन्द ‘विप्लव’ बीच भेटवार्ता भएको छ । विप्लवसहित खड्गबहादुर विश्वकर्मा प्रकाण्ड र धमेन्द्र बस्तोला धेटवार्ताका लागि ओली निवास बालकोटमा पुगेका थिए ।उक्त भेटमा गत फागुन १ मा ओली सरकारसँग भएको तीनबुँदे सहमति कार्यान्वयनमा भइरहेको ढिलाई बारे छलफल भएको जनाइएको छ । भेटमा विप्लव समूहले उक्त सहमति चाडै कार्यान्वयनमा ल्याउन माग गरेका छन् ।
यसैगरी नेपाल कम्युनिष्टका महासचिव नेत्रविक्रम चन्द विप्लवले जनता समाजवादी पार्टी (जसपा) का संघीय परिषद अध्यक्ष डा.बाबुराम भट्टराईसँग भेटवार्ता गरेका थिए ।नेकपा माओवादी केन्द्रका अध्यक्ष पुष्पकमल दाहाल प्रचण्ड, एमाले नेता माधव नेपालसँग भेटवार्ता गरेका उनले आज जनता समाजवादी पार्टीका संघीय परिषद अध्यक्ष बाबुराम भट्टराईसँग भेट गरेका हुन ।पार्टीका नेता धर्मेन्द्र बाँस्तोलासहित विप्लव भट्टराईको निवास टोखामा शुक्रबार बिहान पुगेका थिए । नेताहरुबीच समसामयिक राजनीतिक घटनाक्रमका विषयमा कुराकानी भएको भट्टराईका प्रेस सल्लाहकार विश्वदीप पाण्डेले बताए ।
त्यसैगरी नेकपा विप्लव समूहका नेता नेत्रविक्रम चन्द विप्लवले हालै नेकपा एमालेमा प्रवेश गरेका पूर्व नेकपा माओवादी केन्द्रका नेताहरुसँग भेट गरेका थिए । विप्लवले टोपबहादुर रायमाझी, लेखराज भट्ट, मणि थापा र प्रभु साहसँग भेट गरेका हुन् ।उनीहरुबीच ललितपुरको धापाखेलस्थित लेखराज भट्टको निवासमा करिब ३ घण्टा छलफल भएको थियो । भेटमा कम्युनिस्ट आन्दोलन र मुलुकको समसामयिक राजनीतिक विषयमा छलफल भएको एक नेताले जानकारी दिए ।पछिल्लो केही दिनयता विप्लवले राजनीतिक भेटघाटलाई तीव्रता दिएका छन् । उनले माओवादी केन्द्रका अध्यक्ष पुष्पकमल दाहाल प्रचण्ड, नेकपा एमालेका नेता माधवकुमार नेपाल, नेकपा क्रान्तिकारी माओवादीका महासचिव मोहन वैद्य किरणसँग भेट गरेका थिए ।
