जनकपुरधाम, चैत १२ गते । (जसपा) जनकपुरधाम उपमहानगरपालिकाको नगर कार्य समिति गठन गरिएको छ । सो नगर कार्य समितिको अध्यक्षमा पुनः विष्णुदेव साहलाई सर्वसम्मतबाट चयन गरिएको छ।
एकसय २५ सदस्यीय नगर कार्य समिति बनाइएको छ । जसपा धनुषा अध्यक्ष पशुपति यादवले नव कार्य समितिलाई सपथ ग्रहण समेत गराएका छन् ।
सपथ ग्रहण कार्यक्रममा जसपा प्रदेश सदस्य एवं पूर्व आन्तरिक मामिला तथा कानून मन्त्री ज्ञानेन्द्र कुमार यादव, उर्मिला साह, जनकपुरधाम उपमहानगरपालिकाका मेयर लालकिशोर साह, जसपा नेता जितेन्द्र यादव, जसपा प्रदेश सदस्य बिजय भगत पार्टीका नेता तथा कार्यकर्ताहरुको उपस्थिति रहेको थियो ।
सहभागीहरुले मधेश आन्दोलनको क्रममा शहीद भएका शहीदहरुको सपना पुरा गर्न लक्ष्यका साथ जसपा अगाडि बढिरहेको दावी गर्दै स्थानीय तहको निर्वाचनमा उपमहानगरपालिका विजयी हुनतर्फ लाग्न सबैमा आग्रह समेत गरेका छन् ।
