खोटाङ, । खोटाङको दिक्तेल पुगेका नेपाली काँग्रेसका केन्द्रीय सदस्य तथा अनुशासन समितिका संयोजक भीष्मराज आङ्देम्बेले नेपाली काग्रेस अरुको नेतृत्वमा बन्ने सरकारमा सहभागी नहुने बताउनुभएको छ ।सोमबार नेपाल प्रेस युनियन खोटाङले दिक्तेलमा आयोजना गरेको पत्रकार सम्मेलनलाई सम्बोधन गर्नुहुँदै नेता आङ्देम्बेले मुलुकमा सिर्जना भएको पछिल्लो राजनीतिक गतिविधिका कारण प्रधानमन्त्री केपी शर्मा ओली नेतृत्वको सरकार सङ्कटमा परेको र दलहरुबीच नयाँ सरकार गठनका लागि छलफल भइरहेपनि काँग्रेस अन्य पार्टीको नेतृत्वमा बन्ने सरकारमा सहभागी नहुने साथै काँग्रेसले सरकारमा जान हतार नगर्ने पनि पत्रकार सम्मेलनमा बताउनुभयो ।
पत्रकार सम्मेलनमा बोल्दै आङ्देम्बेले नेपाली काँग्रेसको आसन्न १४ औँ महाधिवेशनमा आँफू पदाधिकारी उम्मेदवार बन्ने उहाँले बताउनुभएको छ । कुन पदमा उम्मेदवारी दिने भन्ने नेता आङ्देम्बेले भन्न चाहानुभएन । तर, नेता आङ्देम्बेले आगामी भदौमा हुने काँग्रेसको १४ औँ महाधिवेशनमार्फत धेरै युवा पुस्ता पदाधिकारीमा निर्वाचित हुने समेत उहाँले दाबी गर्नुभएको छ ।
महाधिवेशनमार्फत पुराना नेताहरुलाई विस्तारै ससम्मान विस्थापित गरिनेसमेत नेता आङ्देम्बेले बताउनुभयो । अबका दिनहरुमा नयाँ पुस्ताका नेताहरुलाई महाधिवेशनमार्फत विस्तारै ससम्मान विस्थापित गरेर काँग्रेसमा युवा पुस्ताको नेतृत्व चयन गरिनेछ ।”
काँग्रेस मुलुकमा स्थापना भएको प्रजातन्त्रको जननी भएकाले प्रजातन्त्र र संविधानको रक्षामा सदैव अगाडि रहने पनि उहाँले बताउनुभयो । पत्रकार सम्मेलनमा जिल्ला सभापति नरेशकुमार श्रेष्ठ, पूर्वसभापति एवम् महासमिति सदस्य विष्णुकुमार र महासमिति सदस्य रविप्रकाश राई, महाधिवेशन प्रतिनिधिहरु भूपेन्द्र राई लगायतका नेताहरुको उपस्थिति रहेको थियो ।
