जनकपुरधाम, पौष ११ गते। जनता समाजवादी पार्टी (जसपा) नेपाल निकट भातृसंगठन समाजवादी दलित मुक्ति सङ्गठन धनुषाका अध्यक्षमा सरोज मल्लिक डोम भएका छन्।
सङ्गठनका मधेश प्रदेश समितिका अध्यक्ष रामो महराको अध्यक्षतामा भएको धनुषा जिल्ला भेला तथा अन्तरक्रिया कार्यक्रम जसपा नेपालको पार्टी प्रदेश कार्यालय जनकपुरधाममा आयोजना भएको कार्यक्रमका प्रमुख अतिथि सङ्गठनका केन्द्रिय इन्चार्ज एबम जसपाका राजनीतिक समिति सदस्य चन्देश्वर पासमानको प्रमुख अतिथि, अतिथिहरु सङ्गठनका केन्द्रिय संयोजक चमेली देवी दास, सङ्गठन बिभाग प्रमुख चन्देश्वर सदा, के. स. कृष्णा कुमारी तामाङ्ग दास, रामेश्वर महरा, एबम मधेश प्रदेश महासचिव शोभित पासमान, जसपा धनुषाका सङ्गठन बिभाग प्रमुख सत्रुघन यादव लगायत सङ्गठनका महत्त्वपूर्ण नेतागणको उल्लेखनीय उपस्थिति रहेको थियो।
दलित समुदायको पिडा, उत्पीडन, सामाजिक एबम राजनीतिक मुद्दाहरुको सवालमा जोडदार रुपमा सङ्गठित भइ सशक्त संघर्षका कार्यक्रमहरु अगाडि बढाउनका निम्ति सरोज मल्लिक डोम अध्यक्ष एबम शंकर बिश्वकर्मा सचिव रहने गरी १५ सदसीय एक सशक्त जिल्ला कमिटी गठन भएको छ। दलित समुदायले निर्णायक संघर्ष गर्न बाकी रहेको र सो लडाइ यस सङ्गठनको नेतृत्वमा लडिने अभिव्यक्ति कार्यक्रमका प्रमुख अतिथि चन्देश्वर पासमानले राख्नु भएको थियो।
