जनकपुरधाम । धनुषाको औरही गाउँपालिका कार्यपालिका सदस्यकाे निर्वाचनमा नेपाली कांग्रेसकाे प्यानल विजयी भएकाे छ ।
६ कार्यपालिका सदस्यकाे लागि मंगलबार भएकाे निर्वाचनमा कांग्रेसका सबै उम्मेदवार दलित वा अल्पसंख्यक सदस्यमा विजयी भएका हुन् ।
३१ मतदाता रहेकाे गाउँ कार्यपालिका सदस्यकाे निर्वाचनमा कांग्रेसका १९, जसपाका ८ र एमालेका ५ मतदाता रहेका थिए । कांग्रेसले एकलै र जसपा र एमालेले गठबन्धन गरेर कार्यपालिका सदस्यकाे चुनाव लडेकाे थियाे ।
६ वडा रहेकाे औरही गाउँपालिकामा नेकपा गाउँपालिका अध्यक्ष र उपाध्यक्ष, कांग्रेस ४ वडाअध्यक्ष, जसपा २ वडाध्यक्षमा बैशाख ३० गते सम्पन्न निर्वाचनमा जितेकाे थियाे । अब कार्यपालिकामा कांग्रेसकाे बहुमत भएकाे छ । १४ कार्यपालिका सदस्य मध्ये कांग्रेसका १० जना, नेकपा र जसपाका ४ जना मात्र भएका छन् ।
