जनकपुरधाम, असोज ५ गते। जनता समाजवादी पार्टी नेपालका समाजवादी नेता प्रदेश सांसद रामअशिष यादवले एक समारोहका बिच माहरानी माई सामुदायिक भवनको समुदघाटन गर्नुभएको छ।
धनुषा निर्वाचन क्षेत्र नं २ को जनकपुरधाम उपमहानगरपालिका वडा नं १७ कनकपटी गाउँमा नवनिर्मित माहरानी माइ सामुदायिक भवनको समुदघाटन गर्ने क्रममा बोल्दै प्रदेश सांसद यादवले बिधालयमा जन्ती सहित गैर शैक्षिक क्रियाकलापहरू गरेर पठनपाठन अवरुद्ध हुने कार्यलाई निरुत्साहित गर्न उदेश्यले ग्रामीण क्षेत्रमा सामुदायिक भवनको अावश्यक रहेको कुरा बताउनुभयो ।
उहाँले मधेशी, मुस्लिम ,महिला ,अादिवासी दलित जनजातीको अधिकारका लागि संघर्ष गर्ने एक मात्र पार्टी जसपा नेपाल रहेको कुरा बताउनुभएको छ।
सो कार्यक्रममा बोल्दै संत राजेन्द्र साहेबले शिक्षा सुधार अभियान अन्तर्गत जन्ती सहितका गैर शैक्षिक क्रियाकलापहरू विधालयमा नगरि जन्ती सहितका समाजिक कार्यहरू सामुदायिक भवनमा गर्न उद्देश्यले प्रदेश सांसद रामअशिष यादवको संसदीय कोषबाट ग्रामीण क्षेत्रमा सामुदायिक भवनको निर्माण कार्य निरन्तर रुपमा जारी रहेको कुरा बताउनुभएको छ।
स्थानीय समाजिक कार्यकर्ता महेन्द्र रामको अध्यक्षता सम्पन्न कार्यक्रममा कृषि विज्ञ विष्णु देव यादव ,जसपा नेता, पुर्व वडा अध्यक्ष परमेश्वर यादव,जिल्ला सदस्य ललित मंडल,वार्ड सदस्य उपेन्द्र शर्मा ,युवा नेता रामबिहारी यादव सहितका वक्ता हरुले शुभकामना मन्तव्य व्यक्त गरेका छन्।
प्रदेश सांसद रामअशिष यादवको संसदीय कोषबाट ९ लाख रुपैयाँको लागतमा सामुदायिक भवन को निर्माण गरिएको कुरा बताइएको छ।
सो कार्यक्रममा स्थानीय समाजसेवी रामविलाश साह,योगेन्द्र साह,दुखि यादव,वार्ड सदस्य मनोज मुखिया सहितको उपस्थित रहेको थियोे ।
