८ सदस्यीय मन्त्रिपरिषद् गठन : मन्त्रीहरुले लिए सपथ तर, तोकिएन कार्यभार

काठमाडौं । सोमबार राष्ट्रपति भवन शीतलनिवासमा प्रधानमन्त्री पुष्पकमल दाहाल प्रचण्ड’ सहित ८ जना मन्त्रीले पद तथा गोपनीयताको शपथ ग्रहण गरेका छन्।राष्ट्रपति विद्यादेवी भण्डारीसमक्ष शपथ लिनेहरूमा प्रधानमन्त्री प्रचण्डसँगै उपप्रधानमन्त्रीत्रयमा विष्णु पौडेल, नारायणकाजी श्रेष्ठ र रवि लामिछाने रहेका छन्।उपप्रधानमन्त्रीसहित तीनै जनाले फरक फरक मन्त्रालयको जिम्मेवारी पनि पाएका छन् । पौडेलले अर्थ, श्रेष्ठले भौतिक पूर्वाधार तथा यातायात र लामिछानेले गृह मन्त्रीको शपथ लिएका हुन्।
यसैगरी मन्त्रीको शपथ लिनेहरूमा दामोदर भण्डारी, राजेन्द्र राई, अब्दुल खान र ज्वालाकुमारी साह छन्। नवनियुक्त मन्त्रीहरूले सपथ लिए पनि उनीहरुको कार्यभार भने तोकिएको छैन। पछि मन्त्रिपरिषद् विस्तार हुने क्रममा मन्त्रालय भागबन्डा लगाउने बताइएको छ ।