जनकपुरधाम वैशाख १६ गते। मधेश प्रदेशको राजधानी जनकपुरधामस्थित श्री आधारभूत विद्यालय मानसिंहपट्टी तेतरियामा “शैक्षिक स्तरीयताका सभामुखसँग प्राधानाध्यापकहरुको अन्तक्रिया” कार्यक्रमको आयोजना गरिएको छ।
सामुदायिक विद्यालयको शैक्षिक अवस्था सुधार गर्न उदेश्यले आयोजना गरिएको सभामुखसंग प्रधानाध्यापकहरुको अन्तक्रिया कार्यक्रममा प्राधानाध्यापकहरुले शैक्षिक स्तरीयता सुधारका लागि स्पष्ट रुपमा आफ्ना मनका विचार व्यक्त गरेका छन्।
मधेशका सभामुख रामअशिष यादवले अन्तक्रिया कार्यक्रममा सहभागी सामुदायिक विद्यालयका प्रधानाध्यापकहरुलाई सम्मान गरेका छन्।
सो अन्तक्रिया कार्यक्रमलाई सम्बोधन गर्दै मधेश प्रदेश सभाका सभामुख रामअशिष यादवले प्रधानाध्यापक विद्यालयका स्तम्भ रहेकोले शिक्षक, समाज र स्थानीय जनप्रतिनिधिहरुसंग समन्वय र सहकार्य गरी शैक्षिक अवस्था सुधारका लागि प्रयास गर्नुपर्ने कुरा बताउनुभएको छ।
सो अवसरमा बोल्दै मधेश प्रदेश नीति आयोगका पुर्व उपाध्यक्ष प्रा.डा.भोगेन्द्र झाले शिक्षाको विकास बिना देश र प्रदेश समृद्ध हुन नसक्ने कुरा बताउंदै सामुदायिक विद्यालयको शैक्षिक अवस्था सुधारका लागि सरोकारवाला निकाय गम्भीर हुनुपर्ने आवश्यकता रहेको कुरामा जोड दिएका छन्।
सो अन्तक्रिया कार्यक्रममा समाजिक अभियन्ता रवि कुमार गोयन्काले सामुदायिक विद्यालयको शिक्षा सुधारका लागि नीतिगत सुधार, प्राधानाध्यापकहरुको लगनशीलता तथा आत्मविश्वास सम्बन्धमा विस्तारमा जानकारी गराएका छन्। कार्यक्रममा जनकपुरधाम उपमहानगरपालिकाका शिक्षा प्रमुख अन्जु पाण्डे, श्री गोगल प्रसाद नामुना माबि बसैहियाका प्राधानाध्यापक महावीर दास,
श्री गिद्ध बेला नामुना माबिका प्राधानाध्यापक पवन मंडल,श्री जनता ऐकाइ माबि यदुकूहा शहिदनगर प्रदीप साह,श्री आधारभूत विद्यालय तेतरियाका प्राधानाध्यापक रामसुन्दर कामती,सहितका प्रधानाध्यापकहरुले समुदायिक विद्यालयको शैक्षिक अवस्था सुधार सम्वन्धमा विचार व्यक्त गरेका छन्।
प्रतिक्रिया दिनुहोस्