संसद छलेर विचौलियाको प्रभावमा ल्याएको अलोकप्रिय बजेटप्रतिपक्षी दलद्वारा बहिष्कार

जनकपुरधाम,आषाढ ३० गते। जनमत नेतृत्वको मधेश सरकारले प्रदेश सभामा पेश गरेको बजेट पुस्तिकामा २९४ वटा पेजमा रहेको हजारौं योजनाहरुको सम्बन्धमा सदनलाई जानकारी नगराई आर्थिक अपराध गरेको भन्दै प्रतिपक्ष दलले सदन बहिष्कार गरेका छन्।
मधेश प्रदेश सभामा विपक्षी दलका नेता समेत रहेका पुर्व मुख्यमन्त्री सरोज कुमार यादवले अर्थ मन्त्रालयको पिएलएमबिआईएस मा प्रविष्ट रहेको ७५५ पेजको बजेट पुस्तिका मध्ये ४६१ पेजको बजेट पुस्तिका सदनमा पेश गरि सरकारले २९४ पेज गायब गरि आर्थिक अपराध गरेको आरोप लगाउँदै बैठक बहिष्कार गरेका छन्।
विपक्षी दलका नेता पुर्व मुख्य मन्त्री यादवले भ्रष्टाचार गर्न विचौलियाको प्रभाव ल्याएको बजेटको प्रतिपक्ष दल साक्षी नबस्ने भन्दै सदनलाई छलेर आर्थिक अनुशासन उल्लघंन गरेका अर्थ मन्त्री को राजिनामा माग गर्दै प्रतिपक्षी दल बैठक बहिष्कार गरेका छन्।
जसपा, नेपाल, नेकपा माओवादी केन्द्र, नेकपा एकीकृत समाजवादी, नागरिक उन्मुक्ति पार्टी, नेपाल संघीय समाजबादी पार्टी र राष्ट्रिय प्रजातन्त्र पार्टी सहित प्रतिपक्षी दलले बैठक बहिष्कार गरेका छन्।
प्रतिपक्षी दलको सदनमा उपस्थित बिना सभामुख राम चन्द्र मंडलले सदनको कामकारबाही अघि बढाउनु लोकतान्त्रिक अभ्यासमा उपयुक्त नरहेको भन्दै सरकारले सदनलाई छलेर ल्याएको बजेटको साक्षी सभामुख मंडल बन्न पुगेको प्रतिपक्षी दलले आरोप लगाएका छन्।
संघीय शासन प्रणालीको बिगत ८ वर्ष को ईतिहासमा २९५ पेजको करिब ८ हजार योजना बारे मधेश प्रदेश सभालाई जानकारी नदिई सदनलाई छलेर विचौलियाको प्रभावमा जनमत पार्टी नेतृत्वको गठबन्धन सरकारले ल्याएको अलोकप्रिय बजेटको बिरोध गर्दै प्रतिपक्षी दलद्वारा गरिएको प्रदेश सभा बैठक बहिष्कार कार्यको देश र मधेशमा सर्वत्र प्रशंसा भैरहेको छ।