असंवैधानिक मुख्यमन्त्री यादवको जंगली काम

जनकपुरधाम । मधेश प्रदेशको स्वास्थ्य निर्देशनालयले शुक्रबार जनकपुरमा बार्षिक समिक्षा गोष्ठीको आयोजना ग¥यो । मधेश प्रदेशका ८ वटै जिल्लाका स्वास्थ्य कार्यालय, स्वास्थ्यसंग सम्बन्धीत अड्डा र निकाय र दातृ संस्थालाई कार्यक्रममा बोलाइएको थियो ।
जनकपुरको सेभेन स्टार होटलमा आयोजना गरिएको कार्यक्रममा विहानैदेखि सहभागिहरु आउन थाले । खाजा खाने क्रम चल्दै थियो । त्यहीबिचमा सर्वोच्च अदालतले असंबैधानिक भनिसकेको मुख्यमन्त्री सरोजकुमार यादव(महोत्तरी)का सचिवालयका सचिन यादव स्कूटरमा सेभेन स्टार होटलमा प्रवेश गरे । उनी खैरो ट्रयाक सुटमा थिए । स्वास्थ्य निर्देशनालयका निर्देशक सरोज न्यौपानेलाई भेटेर मुख्यमन्त्री यादवका दुत सचिनले बार्षिक समिक्षा गोष्ठिको प्रमुख अतिथी मुख्यमन्त्री यादयलाई बनाउन दबाब दिए । सचिनले मुख्यमन्त्री बनेदेखि उहाँ सरकारी कार्यक्रर्ममा सहभागि नभएकाले उहाँलाई नै यो कार्यक्रमको प्रमुख अतिथी बनाउनु, नभए कार्यक्रम नगर्नु निर्देश गरेपछि स्वास्वास्थयका निर्देशक न्यौपाने असिन पसिन भए । धेरैले मुख्यमन्त्री यादव केही दिनका लागि हो, नबोलाउदा हुन्छ सुझाव दिएपछि न्योपाने झन् अप्ठ्यारोमा परे ।
वार्षिक समिक्षा गोष्ठिको प्रमुख अतिथीमा मधेश स्वास्थ्य विज्ञान प्रतिष्ठानका उपकुलपति डा. अकुर साहलाई प्रमुख अतिथी बनाइएको थियो । तर, मुख्यमन्त्री यादवले आफू प्रमुख अतिथी बन्न्े नभए कार्यक्रम नै रोक्ने आदेश गरेपछि कार्यक्रम करिव दुई घण्टा ढिलो सञ्चालन भएको थियो । प्रमुख अतिथी बनाइएका डा. साहलाई अन्तिम समयमा रोकेर मुख्यमन्त्री यादव गोष्ठिको उद्दघाटन गर्न पुगेका थिए