जनकपुरधाम, असार १६ गते। जनता समाजवादी पार्टी (जसपा) नेपाल केन्द्रिय समिति काठमाडौंद्वारा आयोजना गरिएको दुई दिने आईटी तालिम, बैठक तथा प्रशिक्षण कार्यक्रम जनकपुरधामको अञ्जनी शुट होटलमा आजबाट सुरु भएको छ।
कार्यक्रमको उद्घाटन जसपा नेपालका राष्ट्रिय अध्यक्ष माननीय उपेन्द्र यादवले गर्नुभएको हो। अध्यक्षता सूचना सञ्चार विज्ञान तथा प्रविधि बिभाग प्रमुख जितेन्द्र यादवले गरेका छ्न। उद्घाटन सत्रमा अध्यक्ष यादवले प्रविधिको प्रयोग र दक्षता राजनीतिक दलका लागि आवश्यक भएको उल्लेख गर्दै प्रशिक्षणमार्फत पार्टीका कार्यकर्ता अझ दक्ष र प्रभावशाली बन्ने विश्वास व्यक्त गर्नुभयो।
दुई दिने तालिम कार्यक्रममा केन्द्र, प्रदेश तथा स्थानीय तहका पार्टी पदाधिकारी तथा आईटी संयोजकहरूको सहभागिता रहेको छ। प्रशिक्षणको उद्देश्य सूचना प्रविधिको प्रयोगबाट पार्टीको संगठनात्मक सुदृढीकरण तथा जनसम्पर्कलाई प्रवर्द्धन गर्नु रहेको आयोजकले जनाएको छ।
कार्यक्रममा विभिन्न विषयमा प्रविधि विशेषज्ञहरूले प्रशिक्षण दिने कार्यक्रम तय गरिएको छ।
