जनकपुरधाम । हिन्दुहरुको माहन चाड विजया दशमी,दिपावली तथा छठ पर्वको शुभकामना आदान प्रदान तथा पार्टी प्रवेश कार्यक्रममा विभिन्न पार्टी परित्याग गरेका सयौ नेता(युवा) महिला कार्यकर्ता आज जनता समाजवादी पार्टी नेपालमा प्रवे्श गरेका छन ।
धनुषा जिल्लाको जनकपुरधाम स्थित पशुपन्छी तथा मतस्य विकास केन्द्रको प्राङ्गणमा आयोजित जसपा नेपालद्वारा हिन्दुहरुको माहान चाड विजया दशमी,दिपावली तथा छठ पर्वको शुभकामना आदान प्रदान तथा पार्टी प्रवेश कार्यक्रममा युवाहरुको बढी संख्यामा एक सय जना जसपामा प्रवेश गरेका हुन ।
नव प्रवेशीहरुलाई अविर र माला लगाई स्वागत गर्नु हुँदै अर्थमन्त्री शैलेन्द्रप्रसाद साहले उत्पीडित वर्गको उत्थानका लागी जसपा सदैब अडिग रहने विश्वास दिलाउनु भयो ।
मन्त्री साहले संघीयताको जननी रहेको प्रदेश २ लाई बदनाम गराउन र अन्नतः संघीयतालाई नै धरापमा पार्न विभिन्न तत्वहरुले चलखेल गरि रहेको उल्लेख गर्नु हुँदै त्यस्ता तत्वहरुलाई परास्त आम जनतालाई सचेत हुनु पर्ने समेत बताउनु भयो ।
जसपा नेपाल धनुषा जिल्ला कार्यसमितीको उपाध्यक्ष अम्भु प्रसाद साहको अध्यक्षतामा भएको उक्त कार्यक्रममा प्रदेश सभा सदस्य राम अशिष यादव, प्रदेश सदस्य विजयकुमार भगत, दिपु कापरी,मो. सदाम हुसेन, वसिम अकरम साथै वडा न. १७ का अध्यक्ष राम शंकर पासवान, महोत्तरी जिल्ला महिला नेत्री मिनु झा, उर्मिला साह, मिनाक्षि पाण्डे, ममता पाठक सहितको उपस्थिति रहेको थियो ।
