जनकपुरधाम । धनुषामा ससुराली आएका एक पुरुषको मोटरसाइकल दुर्घटनामा मृत्यु भएको छ।घटनामा मोटरसाइकलमै सवार भएका अन्य दुई जना घाइते भएका छन् ।
सोमवार मध्यराति नगराइनबाट गंगुलीर्फ आउने क्रममा बि आर ३२ एबी ४१८३ नम्बरको मोटरसाइकल दुर्घटनामा भारतको मधुवनी उमगाउ घर भएका ४० वर्षीय शंकर महराको मृत्यु भएको प्रहरीले जनाएको छ ।
जिल्ला प्रहरी कार्यालय धनुषाका अनुसार मृतक महरा नगराइन नगरपालिका–४ स्थित ससुराली आएका थिए । तिब्र गतिमा रहेका मोटरसाइकल अनियन्त्रित भइ दुर्घटना भएको प्रहरीको भनाइ छ । सडकमा अचानक कुकुर आएपछि गाडी नियन्त्रित भएको बताइएको छ ।
दुर्घटनामा घाइते भएका दुबैजनाको जनकपुरस्थित जानकी हेल्थ केयरमा उपचार भइरहेको प्रहरीजले जनाए । घटनास्थलमै कुकुरको समेत मृत्यु भइसकेको छ ।
प्रतिक्रिया दिनुहोस्