जनकपुरधाम, कात्तिक १४ : धनुषाको रमदैया भवाडी स्थित यस क्षेत्रकै एक मात्र शिक्षण अस्पताल जानकी मेडिकल कलेज पुनः ठप्प भएको छ । नयाँ मांग सहित चिकित्सक बाहेकका कर्मचारीहरु आकस्मिक बाहेकाका सवै सेवा ठप्प गरेपछि राम्ररी सञ्चालन नै हुन नपाएको कलेज पुन बन्द भएको छ । कर्मचारीहरु अनावयश्क मांग राख्दै उपचार र अनलाइन कक्षा समेत ठप्प गरेको कलेज प्रशासनको आरोप छ ।
सन २००३ मा शिक्षण अस्पतालको रुपमा मान्यता पाएको जानकी मेडिकल कलेज शिक्षण अस्पताल पटक पटक विवादित हुदै पुन : अवरुद्व भएको छ । अनुशासन विपरित र संस्थाको अहित हुने गरि काम गरेको भन्दै चारजनालाई स्पष्टीकरण र दुई जनाले अस्पष्टीकरण नदिदा बर्खास्त गरिएपछि उनीहरु आकस्मिक बाहेका सवै सेवा बन्द गरि अस्पताल प्राङ्गणको मन्दिरमा धर्नामा बसेका छन् ।
केहि दिन अगाडि तलव भत्ताको मांग गरि सेवा ठप्प पारेको करिव एक सय कर्मचारी यस पटक पाउनु पर्ने सञ्चय कोषको रकम र दशै पेशकीको मांग गर्दै धर्ना दिएका छन् । उनीहरुले आफुहरुलाई बिना कारण निस्कासन गरेको तर पैसा दिन नमानेको भन्दै सेवा ठप्प गरेको संर्घष समितिका संयोजक उमेश यादवले बताए । तर कलेज प्रशासनको भने तर्क वेग्लै छ । कर्मचारी तथा अस्पताल रहेको टोल रमदैयाका स्थानिय रहेको उमेश यादव र श्याम यादव आफु अनुकुल कलेज चलाउन चाहेकाले पटक पटक समस्या भएको प्रशासन शाखा प्रमुख दायानन्द झाले बताए ।
स्थानिय भएको बलमा सवै कर्मचारी र चिकित्सकहरुलाई धाकधम्कीका साथ दबाबमा राख्ने गरेकाले कलेज चलाउन अप्ठेरो भएपछि विधान तहत उनीहरुलाई हटाइएको प्रशासनको कथन छ । कलेज प्रशासनले उमेश यादवका साथै करार कर्मचारी अञ्जु पटेललाई निस्कासन गरेको छ भने स्थाई कर्मचारी कुल्दिप साह तथा विरेन्द्र झा सहितकालाई स्पष्टीकरण सोधेको छ । कलेजको ओपिडी सेवा, प्रशासन सहितका सेवाहरु बन्द भएपछि विरामीहरु मर्कामा परेका छन् ।
प्रशासन प्रमुख झाले असुरक्षाका कारण आफुहरु कलेज जान नसकिरहेको बताउछन् । कारण जे सुकै होस तर यस क्षेत्रको एक मात्र चिकित्सा शिक्षाका लागि आशाको केन्द्र रहेको कलेजको सेवा र अध्यापन बन्द हुनु यस क्षेत्रका लागि नै दुभाग्र्यको कुरो हो । लकडाउनमा राम्रो सेवा प्रदान गरेको अस्पताल सुचारु गर्न प्रशासनले भुमिका खेल्न आवयश्क छ ।
