इनरुवा, । सुनसरी सदरमुकाम इनरुवामा तरुण दलले खबरदारी र्यालीको आयोजना गरेको छ । नेपाल तरुण दल नगर कार्य समिति इनरुवाले सरकारको आलोचनासहित खबरदारी गर्दै मोटरसाइकल र्याली निकालेको हो ।इनरुवाबाट सुरु तरुण र्यालीले नगरको विभिन्न भागको परिक्रमा गरेको थियो । नगर प्रमुख समेत रहेका राजन मेहताले नेतृत्वको गरेको मोटरसाइकल र्याली नगरको परिक्रमापछि कोण सभामा परिणत भएको थियो । उक्त कोण सभालाई नगर प्रमुख मेहतासहितका नेताहरुले सम्बोधन गरेका थिए । सम्बोधनका क्रममा उनीहरुले वर्तमान सरकार भ्रष्ट भएको आरोप लगाए ।
भ्रष्टाचार र बेथिति बढ्दा समेत सरकार लाचार बन्नुले सरकारको नियत स्पष्ट देखिएको बताए । उनीहरुले ओली सरकार प्रति जनताको विश्वास गुमेको भन्दै निकम्मा सरकारको काम नरहेको बताए ।
नेपाली कांग्रेसले भोलि देशभर आयोजना गर्न लागेको सरकारविरुद्धको विरोध सभाको पूर्व तयारी स्वरुप तरुण दलले मोटरसाइकल र्याली निकालेको हो । सुनसरी कांग्रेसले भोलि दिउँसो सदरमुकाम इनरुवामा बिरोध सभाको आयोजना गर्दै छ ।
