प्रदेश २ की प्रदेशसभा सदस्य चमेली देवी दासले प्रधानमन्त्री केपी ओलीलाई निशर्त जनतामाझ आउन चेतावनी दिएकी छिन् ।
लक्ष्मीनियाँ गाउँपालिकाको लक्ष्मीनियाँ बजारमा बिहीबार आयोजित प्रधानमन्त्री केपी ओलीको राष्ट्रघाती कदम विरुद्धको विरोधसभामा प्रदेशसभा सदस्य दासले यस्तो चेतावन दिएकी हुन् ।
उनले कालो मास्क लगाएको कार्यकर्तालाई भगाउने अहंकारीलाई जनताले जवाफ दिने बताइन् । संसद विघटन गरेर देशद्रोहीले राष्ट्रघातको सन्देश दिएको बताउदै उनले नलायक सरकारले पहिलेदेखि नै मधेशी जनतालाई हेप्दै आएको बताइन् । उनले अर्को प्रसंगमा सत्ताको मोहमा फरक गुट उपगुटमा लागेको र मन्त्री पाइसकेपछि सुटुक्क सतापक्षमा लागेको बताइन् ।
कार्यक्रममा जसपाका जिल्ला सचीव घन्शयाम यादवले संघीयतालाई समाप्त गर्नका लागि विभिन्न षड् यन्त्र भइरहेको बताउदै मधेशले नै दिएको राजश्वले धानेको देशमा मधेशलाई न्युन बजेट मात्र दिदै आइरहेको बताए । उनले राक्षसी र भ्रष्ट प्रवृति भएका ओली जस्ता नेतालाई परास्त गर्नुपर्ने बताउदै संविधानको उलंघन गरेर गरिएको विघटन प्रति प्रमुख प्रतिपक्षले अदालतको निर्णयलाई कुर्छु भन्ने अभिव्यक्ती दिनु हास्याप्रद रहेको बताए ।
जनता समाजवादी पार्टीका दुई अध्यक्ष गणेश मिश्र र लालबाबु यादवको अध्यक्षतामा भएको कार्यक्रममा जिल्लाका नेता तथा कार्यकताहरुको उपस्थिती रहेको थियो ।
