जनकपुरधाम, असोज ६ गते। समृद्धि का मुख्य आधार स्तम्भ शिक्षालाई सुधार गर्न उदेश्य ले संचालित शिक्षा सुधार अभियान ग्रामीण क्षेत्रमा निकै फलदायी सावित भैरहेको छ।
राज्य र समुदायबाट उपेक्षित सामुदायिक विद्यालयको शैक्षिक अवस्था सुधार गर्न जनप्रतिनिधिहरुले सक्रियता नदेखाएको ,विधालयमा अध्ययनरत वालवालिकाहरुको संख्या दिनप्रतिदिन न्युन हुदै गएको,पठन पाठन पनि व्यवस्थित हुन नसकेको, भौतिक संरचना ध्वस्त भएको र शिक्षकहरुको मनोवल खस्केको कारण सामुदायिक विधालय जर्जर अवस्थामा पुगेको छ।
वालवालिकाहरुलाई ज्ञान, सभ्यता र समृद्धि का लागि गुणस्तरीय शिक्षा आवश्यक रहेको चिन्तन गर्दै धनुषा निर्वाचन क्षेत्र नं २ शहिदनगर नगरपालिकाको हौवाही गाउँमा संचालित ईजोत निशुल्क ट्युसन सेन्टर का १ सय २७ जना बालबालिकाहरूलाई शैक्षिक सामग्री वितरण गरिएको छ।
श्री जगदीश गोयन्का प्रतिष्ठान र श्री रामलखन दौलतिया प्रतिष्ठान को सहयोगमा सो ट्युसन सेन्टरका वालवालिकाहरुलाई स्कुलबैग,कापी सहितका शैक्षिक सामग्री वितरण गरिएको छ।
श्री जगदीश गोयन्का प्रतिष्ठान का संस्थापक युवा समाजसेवी रवि गोयन्काको संयोजन र शिक्षा सुधार अभियानका परिकल्पनाकार प्रदेश सांसद रामअशिष यादवको प्रमुख अतिथ्यमा सम्पन्न कार्यक्रममा शहिदनगर शिक्षा समितिबा सदस्य मोहन यादववार्ड सदस्य प्रदीप यादव,युवा नेता विकास यादव,बासुदेवपटी युवा क्लवका अध्यक्ष धनेश्वर साह ,युवा अभियन्ता द्वय मनिष गुप्ता ,उमेश साह ,युवा नेता चन्द्रदीप यादव,राजकुमार यादव,विजय यादव सहित स्थानीय अभिभावकहरुको सहभागितामा शैक्षिक सामग्र बितरण गरेका छन्।
ग्रामीण क्षेत्रमा वालवालिकाहरुलाई शिक्षा प्रति जागरुकता बढाउन नियमित अभ्यास अन्तरगत निशुल्क ट्युसन सेन्टर संचालन गरिएको कुरा शिक्षा सुधार अभियानका दुत रवि गोयन्काले जानकारी दिएका छन।
सो अवसरमा बोल्दै प्रदेश रामअशिष यादव सभ्य र समृद्धि समाज निर्माण का लागि सामुदायिक बिधालयको शैक्षिक अवस्था सुधार गर्नुपर्ने कुरा बताउनुभयो ।
