जनकपुरधाम – महोत्तरी क्षेत्र ३ बाट प्रतिनिधिसभामा सदस्यमा पूर्व कृषिमन्त्री हरिनारायण यादव चुनाव लड्ने चर्चा छ । विगत लामो समयदेखि जनता समाजवादी पार्टी (जसपा) आबद्ध रहेका यादवले यसपटक क्षेत्र ३ बाट चुनाव लड्ने जनाएको हो ।
पार्टीमा स्थापना कालदेखि सक्रिय रहँदै आएका यादव २०६४ संविधानसभा निर्वाचन नेपाली काँग्रेसकी नेतृ किरणलाई हराएका थिए । त्यसपछि उनी कृषिमन्त्री समेत बनेका थिए । मधेसी जनअधिकार फोरमदेखि जसपासम्म आइपुग्दा उनको हरिनारायण यादव सभ्य, शालीन र सच्चा नेताको रुपमा आफ्नो छवि बनाएका छन् ।
यसअघि २०७४ को निर्वाचनमा तात्कालीन सङ्घीय समाजवादी पार्टी र राष्ट्रिय जनता पार्टीबीच गठबन्धन हुँदा उनले महन्त ठाकुरलाई सघाएका थिए । महन्त ठाकुर उम्मेदवार भएपछि उनको मनोबल कमजोर देखिएन, बरु पार्टी जिताउन अग्रसर भए । र, आफु त्याग गरी चुनावमा अहोरात्र खटेको उनलाई चिनेजानेकाहरु बताउँछन् ।
उनको पार्टीप्रतिको यत्तिको त्याग देख्दा पार्टीअध्यक्ष उपेन्द्र यादवले समेत प्रदेशमा लड्नुस् भनेका थिए । तर, उनले होइन भने । प्रदेशमा नयाँ साथीलाई मौका दिनुपर्छ । उनको यस्ता त्यागी, शालीन र मृदुभाषी सोंचका कारण उनलाई अध्यक्ष उपेन्द्र यादवले विश्वास गर्छन् ।
पार्टीको केन्द्रीय समिति विस्तारका बेला उपाध्यक्षमा दावी गरिरहँदा रेणु यादवले विवाद सृजना गर्दा उनी केन्द्रीय सदस्य बने । त्यसैले पार्टीमा पटक पटक भएको घटना र अन्तर्घातमा उनी उपेन्द्र पथ कहिले छाडेन ? जहिले सहयोगी र मित्रवत् व्यवहार गरिरहे ।
जसपालाई जेजस्ता संकट आएपनि उनी अलिकति पनि विचलित नभएको उनको सहयोगी समेत रहेका संघीय परिषद् सदस्य नवीन यादवले बताए ।
यादवले भने, ‘उहाँ पार्टीको बफादार र सच्चा सिपाहीको रुपमा जहिले पनि प्रस्तुत हुनुभएको छ । जसपामा उहाँभन्दा पुराना, सभ्य, शालीन र मृदुभाषी नेता अरु कोही छैन । उहाँ पूर्वमन्त्री पनि हुनुहुन्छ । त्यस क्षेत्रका बासिन्दालाई हरिनारायण यादवले नै टिकट पाउने र चुनाव लड्ने कुरामा विश्वस्त रहन आग्रह समेत गरे ।’
पार्टीमा उनको योगदानको कदर अध्यक्ष उपेन्द्र यादवले समेत गर्ने गरेको छ ।
