गौर घटना सम्बन्धि अतिरंजना बिरुद्ध जसपा गाउँ गाउँ जाने

महोत्तरी, भदौ १७ । गौर घटना सम्बन्धि अतिरंजना बिरुद्ध जनता समाजवादी पार्टी गाउँ गाउँ जाने निर्णय गरेको छ ।
जसपा नेपाल महोत्तरीको आज सम्पन्न बिस्तारित बैठकले १७ बर्ष अघि तत्कालिन माओवादी दम्भका कारण भएको उक्त घटना लाई अतिरंजित गर्न खोजिएको भन्दै सर्बसधारण लाई सत्य तथ्य बुझाउन गाउँ गाउँ जाने निर्णय गरेको छ ।
जिल्ला अध्यक्ष राम प्रकाश यादवको अध्यक्षता एवं केन्द्रिय राजनितीक समिति सदस्य हरि नारायण यादवको प्रमुख आतिथ्यमा भएको उक्त बैठकले गौर घट्ना लाई अतिरंजित गर्दै संघीयता र गणतन्त्र लाई नै समाप्त पार्ने षडयन्त्र भैइ रहेको ठहर गर्दै त्यस बिरुद्ध भण्डाफोर गर्न गाउँ गाउँ जाने निर्ण्य गरेको प्रदेश सचिव जीतेन्द्र यादव ले जनाएका छन ।
बैठक लाई सम्बोधन गर्दै प्रमुख अतिथी यादव राजनीति घटना लाई अन्य ढंगले व्याख्या गर्न खोजिए देश भरी नै आन्दोलनको आँधी बहेरी ल्याउने चेतावनि दिदै नेता कार्यकर्ता हरुलाई तयारी अवस्थामा रहन निर्देशन समेत दिए ।
बैठकमा जिल्ला कमिटीका पदाधिकारी एवं सदस्यहरूका सथै जिल्ला स्थित केन्द्रिय सदस्यहरू , प्रदेश कमिटीका पदाधिकारी एवं सदस्यहरुलगायत जिल्ला भरिका नेता कर्याकर्ता हरुको व्यापक उपस्थित रहेको थियो ।
जसपाले एकै दिन मधेश का आठवटै जिल्लामा बिस्तारित बैठक सम्पन्न गरेको ।
गौर घटनाको १७ बर्ष पछि सरकारले पीडित पक्ष संग दोषिलाई कारबाही गर्ने भन्दै सम्झौता गरे पछि जसपा सशंकित भएको छ ।