रौतहट, मंसिर १६ गते । जनता समाजवादी पार्टी रौतहट परोहा नगर कमिटीद्वारा अभिनन्दन तथा पार्टी प्रवेश कार्यक्रम सम्पन्न भएको छ ।
नेपाली काँग्रेस पार्टीको गढ मानिने रौतहट क्षेत्र नं २ अन्तर्गत परोहा नगरपालिका वडा नं ८ मोतिपुर नरकटिया टोलमा आज सयौं भन्दा बढी नेपाली काँग्रेसका नेता कार्यकर्ताहरू जनता समाजवादी पार्टी नेपालमा प्रवेश गरेका छन ।
नेपाली काँग्रेस पार्टीबाट वडा सदस्यमा निर्वाचित दिपेन्द्र प्रसाद पटेलको नेतृत्वमा विभिन्न पार्टी परित्याग गरि सयौं भन्दा बढीको जनसंख्यामा जसपामा प्रमुख अतिथि : अर्थमन्त्री मा.शैलेन्द्र शाह, विशिष्ट अतिथि प्रदेशसभा सदस्य राम किशोर यादव, बिशिस्ट अतिथि जिल्ला समन्वय समिति रौतहटका उपसभापति रामबशिष्ठ यादव, बिशिस्ट अतिथि जसपा जिल्ला अध्यक्ष तथा देवाही गोनाही नपा प्रमुख धर्मेन्द्र पटेल, बिशिस्ट अतिथि माधव नारायण नपाका मेयर विरेन्द्र, बौधिमाई नपाका मेयर राजीव रंजन यादव लगायत जसपाका नेताकार्यकर्ताहरूको उपस्थितिमा प्रवेश गरेका छन ।
एक्काइसौं सत्ताबदीमा पनि रौतहट जिल्लाको सबभन्दा बढी विकासमा पिछडिएको परोहा नपा वडा नं ८ मोतिपुर नरकटिया टोल रहेको छ । यहाँ आजको दिनमा पनि विधालय छैन, शुद्ध खानेपानीको सप्लाय छैन, मोबाइलमा राम्रोसँग नेटवर्क हुदैन, कृषकको लागि कृषि विधुतको कुनै राम्रो व्यवस्थापन छैन, सडक, नाला, भौतिक संरचना, सार्वजनिक सामुदायिक भवन समेत केही नरहेको हुनाले यस गाउँको विकासको लागि प्रदेश नं २ का अर्थमन्त्री शैलेन्द्र साहले ५० लाखको विकास योजना कार्यको निमित्त स्पेसल पैकेजको घोषणा गरेका छन ।
