सन्तोष कुमार यादव
जनकपुरधाम, पौष ११ गते । कमला नगरपालिका- १ श्री जनता मा.बि.मङ्गराहास्थित वृहत नि:शुल्क स्वास्थ्य शिविर सम्पन्न भएको छ। सो कार्यक्रममा पहिलो दिन ९ गते(शुक्रबार) एक हजार दुई सय जना र दोस्रो दिन १० गते (शनिबार) दुई हजार जना गरी जम्मा ३ हजार २ सय जनाले निःशुल्क स्वास्थ्यका लाभान्वित भएका समाजसेवी सुरेन्द्र यादवले बताए।
आफ्नै गाउँ नगरमा आएर आफुहरुलाई निःशुल्क जाँच र औषधि समेत निःशुल्क पाउदा ७८ बर्षीय महिलाले दंग पर्दै आयोजक संस्थालाई बिशेष धन्यबाद दिदै आगामी दिनहरुमा पनि यस्ता कार्यक्रम लाई निरन्तरता दिन आव्हान समेत गरिन। गाउँमै निःशुल्क स्वास्थ्य शिविर परिक्षण गराउन पाएपछि नगरबासीहरु खुसी व्यक्त गर्नुभयो हो।
जनकपुरको प्रादेशिक अस्पतालका (अञ्चल अस्पताल) बरिष्ठ विशेषज्ञ डा. दिग्विजय कुमार ठाकुरको विशेष पहल र सहयोगमा र डा. अभय मण्डल, डा.अनिल कुमार साह, डा. सतिश शर्मा, डा. इन्द्र भुषण सिंह, डा. राजेश कुमार शाह , डा. भागवान सहनी, डा. सज्जन कुमार शर्मा, डा. कुण्दन मण्डल, डा.मिक्की साह लगायतका नर्स,सगयोगी डाक्टरहरुद्वारा दुईदिने वृहत नि:शुल्क स्वास्थ्य शिविर सेवा प्रदान गरी सम्पन्न गरीएको छ ।
नागरीकहरु प्रति सामाजिक उत्तरदायित्वको भावनाले शिविरको आयोजना गरेको डा.ठाकुरले बताए। र साथै प्रत्येक वर्ष जस्तै वृहत नि:शुल्क स्वास्थ्य शिविर लाग्ने जनकारी समते जनाए। उनले आफ्नो नगरबासीहरूलाई राहत महशुस हुनेगरी स्वास्थ्य शिविरबाट सेवा दिन पाएकोले खुसि भएको बताएका छन् ।
उक्त कार्यक्रमको आयोजना मेदनता रिसर्च क्लिनिक प्रा.लि. र साना किसान तथा कृषि सहकारी संस्था द्वारा गरेका थिए। साथै, शिविरको अगुवाई समाजसेवी शिक्षक अशोक मण्डल, सुरेन्द्र यादव, राम जीवन मण्डलको विशेष निगरानी र सहज हुनेगरी सर्वसाधारणलाई सेवा प्रदान गरी सफल रुपमा सम्पन्न गरिएको हो।
