सम्पूर्ण मधेशी समुदायका स्वाभिमान प्रतिक बलिदानी दिवस

आमिन राईन / जनकपुरधाम,माघ ४ गते। जनता समाजवादी पार्टी,नेपालका समाजवादी नेता प्रदेश सांसद रामअशिष यादवले सम्पूर्ण मधेशी समुदायको स्वाभिमान प्रतिक माघ ५ गते बलिदानी दिवस रहेको कुरा बताएका छन।
समाजवादी नेता यादवले ऐतिहासिक मधेश आन्दोलनका शहिदहरुको उच्च सम्मान,शहिद परिवारको परिपुरण,आर्थिक सहयोगका साथै निशुल्क स्वास्थ ,शिक्षा र रोजगारीका लागि सरकारले नीति बनाएर अघि बढ्नुपर्ने कुरा बताएका छन।
मधेश प्रदेशका गृह ,कानुन तथा संचार मन्त्रालयले मधेश प्रदेशको राजधानी जनकपुरधाममा बलिदान दिवसको अवसरमा आयोजना गरेको एक अन्तक्रिर्या कार्यक्रममा बोल्लै जसपा,नेपाल का नेता प्रदेश सांसद यादवले मधेश प्रदेशका प्रथम मुख्यमन्त्री लालबाबु राउत नेतृत्व सरकारले एक शहिद परिवार एक सरकारी कर्मचारी निर्णयलाई वर्तमान सरकार निरन्तरता मधेशी शहिद प्रतिष्ठानको माध्यमबाट शहिद परिवारको परिपुरण,सहयोग कार्य लाई प्रभावकारीताका साथ अघि बढाउनुपर्ने सुझाव सरकारलाई दिनुभयो
उहाँले ऐतिहासिक मधेश आन्दोलनका बीर शहिदहरुको स्मृतिका दिन माघ ५ गते मनाइने बलिदानी दिवसलाई भव्यताका साथ मनाउन सल्लाह दिनुभयो ।
मधेश प्रदेशका गृह ,कानुन तथा संचार मंत्री राजकुमार लेखिको अध्यक्ष्ातामा सम्पन्न भएको अन्तक्रिर्या कार्यक्रममा विभिन्न राजनीतिक दलका प्रदेश सांसदहरु,मुख्य न्यायधिवक्ता सुरेन्द्र महतो,शहिद परिवार नरेश यादव सहितले बीर शहिद तथा शहिद परिवारको उच्च सम्मान ,सहयोग सम्बन्धमा विचार व्यक्त गरेका छन।