जनकपुरधाम, चैत २९ : जनकपुरधाम उद्योग बाणिज्य संघको नयाँ नेतृत्व चयनका लागि भएको निर्वाचनको केहि मतगणना अन्यौलमा परेको छ । जनकपुरधामको गोपाल धर्मशालामा शनिवार साँझ सम्पन्न भएको मतदान पछि अवेर राती सुरु भएको मतगणना आइतवार विहान अन्यौलमा परेको हो ।
मतगणना भइरहदा महिला सस्दय र उपाध्यक्ष पद सहितको बाकसमा अतिरिक्त मतपत्र देखिएपछि मतगणना स्थगित भएको छ । वरिष्ठ उपाध्यक्ष पदका उम्मेदवार सुरेन्द्र भण्डारीले निर्वाचन समितिसंग कुल खसेको मत प्रमाणित हुने मुचुल्काको फोटोकपी दिन मांग गरेका छन् । कडा प्रतिस्पर्धा रहेको सो पदमा भण्डारी आफना निकटतम प्रतिद्वन्द्वी मनिष रमन साह भन्दा करिव ६० मतले अगाडि रहेका छन भने करिव ११ सहितको एक मत पेटिकाको मतगणना हुन वाँकी छ ।
महिला सदस्य तथा उपाध्यक्ष पदको मतगणनामा करिव १ सय मतपत्र अतिरिक्त भेटिएपछि निर्वाचनमा धाँधली भएको अनुमान गरिएको छ । वरिष्ठ उपाध्यक्ष पदका उम्मेदवार भण्डारीले आफनो मत पेटिकामा समेत अतिरिक्त मतपत्र भएको हुन सक्ने भकाएले खसेको कुल मत सहितको निर्वाचन समितिको मुचुल्का मांग गरेपछि समितिले सो खबर जानकारी गराए ।
टायर बालियो प्रहरीद्वारा लाठी चार्ज
एता निर्वाचन समितिले निश्पक्ष काम नगरेको र चुनावमा धाँधलीको संकेत देखिएको भन्दै मतगणना स्थल वाहिर युवाहरु टायर बालेर नारावाजी गरेका छन् । टायर बालेर विरोध हुन थालेपछि प्रहरीले लाठी चार्ज सहित अवरोध गरेको बताइएको छ । निर्वाचन समितिले कुल खसेको मत सहितको मुचुल्काको फोटोकपी नदिए सम्म मतगणना नमान्ने बताइएको छ । प्रहरीको हस्तक्षेप पछि माहोल शान्त बनेको छ ।
