जनकपुरधाम २७ बैशाख २०७८ प्रधानमन्त्री केपी शर्मा ओलीलाई विश्वासको मत दिने वा नदिने भन्नेमा जनता समाजवादी पार्टी नेपालको विवाद प्रतिनिधिसभा बैठकमै व्यक्त गरेको छ ।
प्रतिनिधिसभाको बैठकमा भने दुवै अध्यक्षको फरक-फरक धारणा व्यक्त गरेको हो । जनता समाजवादी पार्टी नेपाल महन्थ ठाकुर पक्षको सांसदहरू तटस्थ रहने र उपेन्द्र यादव पक्षको सांसदहरूले विश्वासको मतको विपक्षमा मतदान गर्ने सम्भावना बढेको छ ।
जसपा नेपालले विश्वासको मत सम्बन्धी प्रस्तावबारे हुने मत विभाजनमा आफ्नो सांसदहरूलाई ह्वीप नलगाउने निर्णय गरेको छ ।
जसपा नेपाल अध्यक्ष महन्थ ठाकुरले प्रतिनिधिसभाको बैठकमा आफ्नो पार्टी विश्वासको मत दिने वा नदिने दुवै पक्षमा नउभिने बताएको छ ।
जसपा नेपाल अर्को अध्यक्ष उपेन्द्र यादवले भने प्रधानमन्त्री केपि शर्मा ओलीलाई विश्वासको मत दिन नसकिने बताए । ‘विश्वासको पक्षमा मत दिन सक्दैनौं, विपक्षमा मतदान गर्छौं ।’
‘आन्दोलनकारी मारिँदा दुई-चार आँप झरे भन्नुहुन्थ्यो, माखे साङ्लो र अहिले त्यै खुवाएर फकाउँदै हुनुहुन्छ ?’
उपेन्द्र यादवले भने, अहिले कुन आधारमा विश्वासको मत दिनुपर्ने हो, भनेर प्रधानमन्त्री केपी शर्मा ओलीलाई प्रश्न गरेका छन् । मधेस आन्दोलन, संघीयता र समावेशिताका विरुद्धमा रहेका प्रधानमन्त्रीलाई किन विश्वास दिने भनेर उनले प्रश्न सोधेका छन् ।
प्रतिनिधिसभाको बैठकमा बोल्दै अध्यक्ष यादवले भने, मधेस आन्दोलनका क्रममा ओलीले दिएका अभिव्यक्तिहरु अहिलेसम्म स्मरण गराएका रहेको छ ।
ओलीले विगतमा मधेसलाई युपी बिहारसँग तुलना गरेको, मधेसी आन्दोलनकारी मारिँदा आँप झरेको भनेको र मानव साङ्लोलाई माखे साङ्लो भनेको स्मरण गर्दै यादवले केपि शर्मा ओलिलाई प्रश्न सोधे, ‘अहिले मधेसीलाई फकाउन थाल्नुभएको छ ।
प्रधानमन्त्री ओलीले संघीयता, समावेशिता विरुद्धमा काम गरेको यादवको भनाई रहेकोे थियो । उनले प्रदेशहरूलाई संघीय सरकारका प्रशासनिक इकाई भनेर, संघीय लोकतान्त्रिक गणतन्त्र नेपाल लेख्ने क्रम अन्त्य गरेर र विभिन्न नियुक्तिमा समावेशिता नअपनाएकाले प्रधानमन्त्री शर्मालाई विश्वासको मत दिन नसकिने बताएको छ ।
जुन प्रतिनिधिसभालाई विश्वास नगरी अलोकतान्त्रिक र असंवैधानिक रूपमा विघटन गरिएको हो । त्यहाँ नै विश्वासको मत माग्न कसरी आएको हो भनेर प्रधानमन्त्री ओलीलाई यादवले प्रश्न गरेका थिए ।
प्रधानमन्त्री विगतमा ‘सुखी नेपाली समृद्ध नेपाल’ भन्ने गरेको । तर अहिले त्यस्तो अवस्था नरहेको यादवको भनाइ रहेको थियो । ‘आज दरिद्र नेपाल दुखी नेपाली भएका छन् । प्रधानमन्त्रीज्यू, यस्तो परिस्थितिमा विश्वासको मत कसरी दिने ?
