काठमाडौँ । नेपाली कांग्रेस सर्लाही जिल्ला सभापति सुरेन्द्र प्रसाद सिंहको राजीनामा माग गर्दै केन्द्रीय कार्यालय सानेपामा उजुरी परेको छ । पार्टीकै जिल्ला उपसभापति नवीन प्रसाद अधिकारी‚ क्षेत्रीय सभापति हरि बहादुर लुंगेली लगायतले ५७ जनाले हस्ताक्षर गर्दै सिंहको राजीनामा मागेका हुन् । सर्वोच्च अदालतले सिंहलाई भ्रष्टाचार ठहर गरी आदेश भएको र सिंह दोषी देखिएको निवेदनमा उल्लेख छ ।
‘राजनैतिक दल सम्बन्धी ऐन २०७३ को परिच्छेद ३ को (ख) विपरीत तथा नेपाली कांग्रेसको नवौँ संशोधित विधान २०७५ को परिच्छेद २ को दफा १३ को (ङ) अनुसार नैतिक पतन देखिने फौजदारी कसुरमा अन्तिम अदालतबाट दोषी ठहर भएमा पार्टीको साधारण सदस्यता नरहने ब्यहोरा उल्लेख भए बमोजिम निज सुरेन्द्र प्रसाद सिंहलाई यथाशीघ्र नेपाली कांग्रेस सर्लाही जिल्ला सभापति पदबाट बरखास्त गरी नेपाली कांग्रेसको विधान बमोजिम नयाँ सभापति चयन गरियोस्‚’ निवेदनमा माग गरिएको छ । यदि यस विषयमा केन्द्रीय कार्यालयले गम्भीर नभए केन्द्रीय कार्यालयमा धर्ना दिने, रिले अनसन बस्ने जस्ता दबाबमूलक कार्यक्रमहरू गर्ने समेत उल्लेख गरिएको छ । राजीनामा माग्ने इतर समूह निकट नेताहरू हुन् ।
२ असोज २०८३, शुक्रवार
|
Friday, September 18, 2026
तपाईको प्रतिक्रिया !