दौरा सुरुवालमा सजिएर प्रधानमन्त्री प्रचण्डले लिए सपथ

काठमाडौं । २ पटक प्रधानमन्त्री बन्दा सर्ट पाइन्ट, कोट, टोपी लगाएर पद तथा गोपनीयताको शपथ लिएका पुष्पकमल दाहाल ‘प्रचण्ड’ले यसपटक सपथ ग्रहणमा ‘लुक्स’ परिवर्तन गरेका छन् ।
यसअघि प्रधानमन्त्री बन्दा सर्ट पाइन्ट, कोट, टोपी लगाएका प्रचण्ड तेस्रोपटक प्रधानमन्त्रीको सपथ ग्रहणमा राष्ट्रिय पोशाक दौरा सुरुवालमा ठाँटिएर शीतलनिवास पुगेका छन् । प्रधानमन्त्री प्रचण्डलाई राष्ट्रपति विद्यादेवी भण्डारीले सपथ ग्रहण गराएकी छन् ।
२०६५ सालमा पहिलो पटक र २०७३ सालमा दोस्रो पटक प्रधानमन्त्री बन्दा प्रचण्डले सर्ट पाइन्ट, कोट, टोपी लगाएर सपथ ग्रहण गरेका थिए । यसपटक भने पूरानो शैली परिर्वतन गरेर प्रचण्ड नयाँ शैलीमा सपथ ग्रहण लिएका छन् ।
आइतबार दौरा सुरुवाल सिलाउन प्रचण्डको शरीरको नापो लिएर सोह्रखुट्टेस्थित एक टेलरिङ सेन्टरमा पठाइएको बताइएको छ । सोमबार उक्त दौरा सुरुवाल लगाएर प्रचण्ड सपथ ग्रहणमा उपस्थित भएका हुन् ।