सामाजिक क्षेत्रमा कार्य गर्दै आएको नेपाल डेभलपमेन्ट सोसाइटीले प्रदेश २ को पर्सा जिल्लाको पर्सागढी नगरपालिकाको वडा न. ४, पसुरामपुमा रहेको एक विधालयमा सुविधा सम्पन्न सहितको ३ कोठे भवन निर्माण गरि संस्थाका अध्यक्ष नजरूल हुसेनले नव निर्मित भवनलाई आज औपचारिक कार्यक्रममा प्रमुख अतिथी पर्सागढी नगरपालिकाको मेयर लोक नारायण यादव, विशिष्ठ अतिथी वडा न. ४ का अध्यक्ष समसुदीन शाह देवानको उपस्थितिमा विधालयको प्र.अ. लाई हस्तान्तरण गरेका छन ।
विधालय हस्तान्त्रण कार्यक्रमको अध्यक्षता गरेका संस्थाका अध्यक्ष नजरूल हुसेन लाई पर्सागढी नगरपालिकाको मेयर लोक नारायण यादव, वडा न. ४ का अध्यक्ष समसुदीन शाह देवान तथा विधालयका प्र.अ. ले संस्थाले विधालय भवन निर्माण गरिदिएकोमा दाेसल्ला तथा स धन्यवाद पत्रका साथ सम्मान गरेका थिए ।
नेपाल डेभलपमेन्ट सोसाइटीले निर्माण गरेको ३ कोठे विधालय भवनमा विधार्थीहरू लाई बस्नकाे लागि ३० थान बेन्च, ३ थान हवाइट बोर्ड तथा २ थान पखां सहितको आवश्यक सामाग्रीहरू विधालयलाई प्रदान गरेको छ ।
संस्थाका अध्यक्ष नजरुल हसनले कार्यक्रममा आफ्नाे मनतव्य राख्ने क्रममा विद्यालयमा पठानपाठनको सहजता सँगै गुणस्तरीय शिक्षाको उद्देश्य साथ ३ कोठे भवन निर्माण गरी सहयोग उपलब्ध गराइएको उल्लेख गरेका थिए।
नेपाल डेभलपमेन्ट साेसाईटीले औपचारिक कार्यक्रमका बिच विद्यालयलाई हस्तान्तरण गरेको नव निर्माण सम्पन्न भवन संस्थाका अध्यक्ष नजरुल हसन, प्रमुख अतिथी पर्सागढी नगरपालिकाको मेयर लोक नारायण यादव, विशिष्ठ अतिथी वडा न. ४ का अध्यक्ष समसुदीन शाह देवानले शिलालेख माथी राखिएको पर्दा तानेर संयुक्त रुपमा भवन उद्घाटन गरे ।
सबै जसो क्षेत्रमा आवश्यक सहयोग प्रदान गर्दै आएको नेपाल डेभलपमेन्ट साेसाईटले नेपालका ४ वटा प्रदेशहरूको १४ वटा जिल्लामा शिक्षा, स्वास्थ्य, खानेपानी, जीविकापार्जन, राहत, आयआर्जनको क्षेत्रमा विपन्न, दलीत, गरिव र असहाय, सिमान्तकृत तथा आर्थिकरूपले विपन्न समूदायको लागि विगत ८ वर्ष देखि जात, धर्म, लिगं र क्षेत्र भन्दा माथि उठेर मानव जाती तथा देशको हित, र विकासको लागि काम गर्दै आएकाे छ ।
