सिराहा । मिटरब्याज पीडितलाई खुकुरी प्रहार प्रयास गरेको आरोपमा सिराहा प्रहरीले एक जनालाई पक्राउ गरेको छ। कल्याणपुर नगरपालिका वडा नम्बर ८ अरङका मिटरब्याज पीडित सञ्जयकुमार कामतीमाथि खुकुरी प्रहारको प्रयास गर्ने रामबाबु साहलाई प्रहरीले पक्राउ गरेको हो ।
मिटरब्याजीले कब्जा गरेर अरूलाई बेचिसकेको घरमा सञ्जयकुमार पस्न खोजेपछि स्थानीय रामनारायण सिंह, उनका छोरा शैलेन्द्र र भाइ नितेश सिंहले कुटपिट गरी खुकुरी प्रहारको प्रयास गरे थिए।साहले कामतीमाथि खुकुरी देखाएको भिडिओ सामाजिक सञ्जालमा भाइरल समेत भएको छ। यसरी भिडिओ भाइरल बनेपछि प्रहरीले मंगलबार साहलाई नियन्त्रणमा लिएको हो।
