धनुषा जिल्ला निर्वाचन क्षेत्र नं २ ‘ क’ कमला नगरपालिका हथमुण्डा गाम के स्थानीय स्तर के संघर्षशिल नेता सभ काग्रेस, नेकपा पार्टी परित्याग क जनता समाजवादी पार्टी नेपाल मे प्रवेश कयलक अछि।
विभेदकारी संविधान जारी क प्रहरी प्रशासन के बल प मधेश मे जारी केन्द्रीय कुशासन के विरुद्ध आ आत्म सम्मान , बराबिर अधिकार,पहिचान,स्वभिमान के रक्षा खातिर जनता समाजवादी पार्टी नेपाल मे प्रवेश के लहर चलल अछि।
हथमुण्डा गाम मे ४० वर्ष स नेपाली कांग्रेस पार्टी के स्तम्भ रहल बृजलाल सहनी ,राजेन्द्र सहनी,राम उदगार यादव, नेकपा स अाबद्ध महेन्द्र सहनी, कमल महतो सहित दर्जनौ स्थानीय नेता सभ के जनता समाजवादी पार्टी नेपाल , संसदीय दल के उपनेता प्रदेश सांसद रामअशिष यादव, प्रमुख सचेतक शैलेन्द्र यादव, जिल्ला अध्यक्ष पशुपति यादव, युवा नेता षडानन्द यादव अबिर लगा पार्टी मे प्रवेश करौलनि।
प्रतिक्रिया दिनुहोस्