झापा /सरकारको बिरुद्धमा प्रधानमन्त्रीको गृहजिल्ला झापामा व्यापक बिरोध प्रदर्शन भएको छ । जनता समाजवादी पार्टी नेपाल सम्बद्व युवा संगठन(समाजवादी युवा संघ+राष्ट्रिय युवा संघ ) झापा जिल्ला कमिटीकाे आयाेजनामा पार्टी एकताको सन्देश प्रवाह गर्दै सरकारको बेथितिको बिरुद्ध प्रदर्शन गरेको हो।
पार्टी एकताको सन्देश सग सगै सरकारकाे वेथिती, भ्रष्टाचार, कालाेवजारीकाे बिरुद्ध दमक देखि काँकडभिट्टा सम्म बृहत् खबरदारी माेटरसाइकल र्याली सम्पन्न गरेकाे जसपा निकट युवा संगठनका जिल्ला अध्यक्ष महेन्द्र कट्वालले जानकारी दिए । र्यालिकाे उद्घाटन पार्टीका केन्द्रीय नेता नित्यानन्द ताजपरियाले रिवान काटेर गर्नु भएकाे थियाे भने र्याली काँकडभिट्टा बजार परिक्रमा गर्दै भन्सार चाेकमा पुगेर काेणसभामा परिणाम भएकाे थियाे ।
काेणसभालाई पार्टीका केन्द्रीय सदस्य तथा प्रदेश संसद राधा थापा, जिल्ला अध्यक्ष दिपेन बाला राई, पुर्व राजपाका जिल्लाका बरिस्ठ नेता सन्ताेष गणेश, राष्ट्रिय युवा संघका प्रदेश अध्यक्ष राेशन लिम्बू र समाजवादी युवा संघ प्रदेश महासचिव पवन विष्टले सम्वाेधन गरेका थिए भने समाजवादी युवा संघका झापा जिल्ला अध्यक्ष महेन्द्र कटुवालले समापन गरेका थिए ।
र्यालिमा पार्टीका केन्द्रीय नेताहरु विश्वानाथ राजवंशी, भक्त खेवाङ, धनप्रसाद गुरुङ, निर्मला तावा, युवाका केन्द्रीय सचिवालय सदस्य रजनि श्रेष्ठ केन्दिय सदस्य सराेज श्रेष्ठ, प्रदेश उपाध्यक्षहरु टाईसन लिम्बू, रमेश तुया राई, ताेया न्याैपाने, राष्ट्रिय युवा संघका जिल्ला अध्यक्ष हेमराज श्रेष्ठ लगायत पार्टीका संघिय परिषद सदस्य, प्रदेश सदस्यहरु युवा, विधार्थी, महिला संगठनका केन्द्रीय, प्रदेश र जिल्लाका नेताहरु लगायत करिव ३०० माेटरसाईलमा ५०० जनाकाे सहभागिता रहेकाे थियाे ।
कार्यक्रममा कर्मविर युवा संगठन काकडभिट्टाले पनि ऐक्यबद्धता जनाएको थियाे । संगठनकाे तर्फबाट नारायण कडरियाले ऐक्यबद्धता जनाएका थिए ।
प्रतिक्रिया दिनुहोस्