पर्सा । पर्साको ग्रामिण नाका प्रयोग गरी लागू औषध कारोबार गरीरहेको एक तथ्यले पुष्टि गरेको छ ।
शुक्रबार ईलाका प्रहरी कार्यालय ठोरीले भारतको भिकनाठोरी नाका प्रयोग गरी भित्रियाईएको लागू औषध नियन्त्रणमा लिएपछि ग्रामिण भेगमा पनि लागू औषध कारोवारी सकृया भएको पुष्टि गरेको हो ।प्रहरीले पर्साको ठोरी गाउँपालिका वडा नम्बर २ का ३० बर्षिय युवक रबिन्द्र कुमार साहलाई नेपालमा प्रतिबन्धित लागू औषधी क्याडिवेल कप सिरप ४७४ पिस सहित पक्राउ गरेको प्रहरी नायब उपरिक्षक दीपक गिरीले बताए ।
ईलाका प्रहरी कार्यालय ठोरीका प्रहरी टोलीले विशेष सूचनाको आधारमा ठोरी २ सितागुफा नजिकै सडकखण्डमा भारतको भिखनातर्फबाट नेपालको सुन्दरबस्ती तर्फ आउँदै गरेको अवस्थामा साहलाई नियन्त्रणमा लिई चेकजाँच गर्दा लागू औषधी भेटिएको उनले बताए ।साहले प्रतिबन्ध लागू औषधी जुटको बोरामा प्याक गरी टाउँकोमा बोकी ल्याउँदै गरेको अवस्थामा पक्राउ गरेको हो ।
उनलाई जिल्ला प्रहरी कार्यालयमा ल्याई लागु औषध सम्बन्धी कसूरमा अनुसन्धान तथा कारवाहीको प्रकृया अगाडी बढाएको प्रहरी नायब उपरिक्षक गिरीले बताए ।
तपाईको प्रतिक्रिया !