काठमाडौ । नेपाल प्रहरीमा सहकुलबहादुर थापा एआइजीमा बढुवा भइसकेपछि डिआईजी पद रिक्त हुनेछ । डिआइजी थापाको एआइजी बढुवा सिफारिस भइसकेको छ । थापाको बढुवापछि रिक्त एक डीआइजीका लागि ५ एसएसपीबीच चर्को प्रतिस्पर्धा छ ।
डीआइजी बढुवाका दाबेदार एसएसपीहरुमा सन्दीप भण्डारी, उमेश जोशी, टेकप्रसाद राई, श्याम ज्ञवाली र दीपक थापा छन् । यीमध्ये दीपक थापाको नै बढुवा निश्चित भएको प्रहरीमा चर्चा छ । कार्यसम्पादन मूल्यांकन नम्बर राम्रो एकाले उनको बढुवाको संभावना प्रबल रहेको छ ।एआइजीमा जस्तै एक दरबन्दी थप गराई भावी नेतृत्वमा प्रतिस्पर्धा गराउने तर्क पनि हुँर्दआएको छ ।
एसएसपी भण्डारी एक डीआइजीको दरबन्दी थप्ने र आफू पनि बढुवा हुने दाउमा छन् । उनका दाजु प्रदेश नम्बर १ का सभामुख प्रमोद भण्डारीको भिटो प्रयोग गरी उनी दरबन्दी थपेर बढुवा गर्न लागेका छन् ।टेकप्रसाद राईको लागि प्रदेश नम्बर १ का मुख्यमन्त्री शेरधन राईको जोड रहेको छ । श्याम ज्ञवाली अर्थमन्त्री बिष्णु पौडेल र लुम्बिनीका मुख्यमन्त्री शंकर पोखरेलमार्फत् बढुवाका लागि पहल गरिरहेका छन् । । काठमाडौंको एसएसपीमा पनि उनी विवादरहित हुन सकेनन् । उनी अवधि नपुग्दै तानिएका थिए ।नक्कली नोटदेखि सुन तस्करी गर्नेहरुसँग कनेक्सन भएका ठूलो रकमको हुन्डी कारोबार गर्ने विकास अग्रवाललाई जोगाएको आरोप उनीमाथि लागेको थियो । २०७७ असार ७ गते न्यूरोडको समृद्ध बचत तथा ऋण सहकारी संस्थाबाट पैसा निकालेर लाने क्रममा हुन्डी कारोबारी विकास अग्रवालको १० लाख रकम घुमुवा प्रहरी हवल्दार धिरेन्द्र विष्ट र जवान विक्रमकुमार चन्दले लुटेको आरोपमा प्रहरीले उनीहरुबिरुद्ध जिल्ला अदालतमा मुद्दा दायर गरिसकेको गर्यो । साथै प्रहरीलाई सूचना दिने सरकारीका पूर्व कर्मचारीसौरभ अधिकारी र हाल कार्यरत रेणु श्रेष्ठबिरुद्ध पनि डकैती मुद्दा दायर गरेको गर्यो। तर प्रहरीले हुन्डी कारोबारी विकास अग्रवाललाई भने उन्मुक्ति मात्र दिएन, उल्टै जाहेरवाला बनाई उनको निवेदनको आधारमा प्रहरी र सहकारीका कर्मचारीलाई डकैती मुद्दा दायर गरेको थियो । प्रहरीले जाली नोट कारोबारी इल्ताफ हुसेन अन्सारीलाई पक्राउ गर्दा विकास अग्रवालको पनि उनीसँग कनेक्सन देखिएको थियो । सुनमा चाँदीको जलप लगाएर नेपालबाट भारत तस्करी गर्ने निलेश सखियासँग पनि विकास अग्रवालको सम्बन्ध खुलेको थियो । निलेशले भारतबाट विकास अग्रवाललाई नै हुन्डी गरी रकम पठाउने र त्यसबाट सुन खरिद गरी चाँदीमा जलप लगाउँदै भारत तस्करी गर्ने गरेको प्रहरी अनुसन्धानमा खुलेको थियो । तर सुन प्रकरणमा अग्रवालको कनेक्सन देखिएपछि ज्ञवालीकै डिजाइनमा विकासलाई भगाइएको थियो । अहिलेसम्म पनि विकास फरार छन् । व्यक्तिका लागि पद थप्ने र राज्यकोषबाट दाेहन गर्ने प्रवृत्ति विगत देखि चल्दै अाएकाे छ । अहिले पनि डिअाइजीकाे दरबन्दी थपेर अाफु अनुकूलकालाई बढुवा गर्न खाेजिएकाे छ । जुन अत्यन्तै गलत कदम हो ।रिक्त रहेको एकजना नायव महानिरीक्षकका लागि १३ जना वरिष्ठ उपरीक्षकको दौडधुप सुरु भएको छ ।डीआइजी बढुवाका लागि प्रहरी महानिरीक्षक शैलेश थापा क्षेत्रीका ब्याजीसमेत चार जना प्रतिस्पर्धामा छन् । एसएसपी शौरभ राणा, राजेन्द्र चौधरी, प्रदीपकुमार श्रेष्ठ र शेखर कोइराला आइजीपी थापाका व्याजी हुन् । उनीहरु २०४९ वैशाख १९ गते प्रहरी निरीक्षकबाट नेपाल प्रहरी प्रवेश गरेका हुन् ।
उनीहरुका साथै, डीआइजीका लागि प्रतिस्पर्धामा सुशीलकुमार यादव, हरिराज वाग्ले, पुजा सिंह, विक्रमबहादुर चन्द, नल प्रसाद उपाध्याय, मोहनकुमार आचार्य, नरबहादुर खत्री, मसाउद आलम खाँ छन् । त्यस्तै, सन्दिप भण्डारी, टेकप्रसाद राई, उमेशराज जोशी, श्यामलाल ज्ञवाली, दिपक थापा, मिरा चौधरी, बुद्धिराज गुरुङ, किरण बज्राचार्य, रामदत्त जोशी,पोषराज पोख्रेल, टेकबहादुर तामाङ, बसन्तबहादुर कुँवर र भिमप्रसाद ढकाल पनि डीआइजीका लागि प्रतिस्पर्धामा छन् ।यिनीहरु एकैपटक एसएसपीमा बढुवा पाएका थिए । उनीहरुको बढुवा २०७५ चैत ६ गते भएको थियो ।नयाँ दरवन्दी थपेर समेत आफूहरु बढुवा हुने दाउमा एसएसपीहरु लागेका छन् ।
