जनकपुरधाम,असोज १ गते। जनता समाजवादी पार्टी नेपालका नेता, प्रदेश सांसद रामअशिष यादवले अमर वीर शहिदहरुको शहादतका कारण निरंकुश पञ्चायती व्यवस्थाको अन्त र लोकतन्त्र को स्थापना भएको कुरा बताउनुभएको छ।
धनुषा निर्वाचन क्षेत्र नं २ शहिदनगर नगरपालिका को हडबाडा गाउँमा आयोजित शहिद कामेश्वर कुशेश्वर को श्रध्दान्जली सभा मा प्रदेश सांसद यादवले सो कुरा बताउनुभएको छ।
उहाँले २०२९ साल असोज १ गते पंचायती व्यवस्था बिरुद्ध को बिधार्थी अान्दोलनमा सुरक्षाकर्मीको गोली प्रहार बाट शहादत हुनु भएका बिधार्थी शहिद कामेश्वर कुशेश्वरको बलिदानीलाई लोकतन्त्रवादी स्मरण गर्नुपर्ने कुरा बताउनुभएको छ।
पंचायती नयाँ शिक्षा नीति खारेजी,राज वन्दीहरु रिहा,संघ संस्था नियन्त्रण एेन खारेजी, स्वतन्त्र प्रेस माथि दमन बन्द, बिधार्थी आचार संहिताको खारेजी र बिधालयबाट अनिवार्य पंचायत बिषय हटाउने सहित का माग गर्दै भएको बिधार्थी अान्दोलनमा यदुकुहामा हडबाडा गाउँ निवासी बिधार्थी कामेश्वर मंडल र मुरिबा गाउँ निवासी कुशेश्वर यादव को सुरक्षाकर्मीको गोली प्रहार बाट मृत्यु भएको थियो।
प्रदेश सांसद यादव, जसपा उपाध्यक्ष अम्भु प्रसाद साह, समाजवादी फोरम युवा संघ का प्रदेश उपाध्यक्ष उमेश निराला, समाजवादी बिधार्थी संघ का प्रदेश उपाध्यक्ष विकास यादव, शहिद परिवार महिला नेतृ सिता मंडल, तपेश्वर मंडल,राम सुन्दर कापड सहित स्थानीयबासीहरु हडबाडा स्थित शहिद कामेश्वर कुशेश्वर स्मारकमा स्थापित शहिद कामेश्वर कुशेश्वर को प्रतिमामा माल्यार्पण गर्नुभएको थियो।
यसैगरी प्रदेश सांसद राम अशिष यादवको प्रमुख आतिथ्यमा शहिदनगर यदुकुहा मा रहेको शहिद कामेश्वर कुशेश्वरको समाधिस्थलमा माला अर्पण गरि श्रध्दान्जली व्यक गरेका थिए।
सो अवसरमा शहिदनगर नगरपालिका वार्ड नं ३ का वार्ड अध्यक्ष नागेन्द्र मंडल, नगर उपाध्यक्ष उपेन्द्र ठाकुर, युवा नेता राधा ठाकुर,राम कुमार साह,सियाराम जी सहित का युवाहरु समाधि स्थल मा श्रध्दान्जली व्यक गरेका छन्।
