वीरगंज । प्रधानमन्त्री केपी शर्मा ओलीको असंवैधानिक कदम विरुद्ध संयुक्त विद्यार्थी संगठनले वीरगंजमा मशाल जुलुश प्रदर्शन गरेको छ ।
नेवि संघ, अनेरास्ववियू ९ क्रान्तिकारी०, अनेरास्ववियू र समाजवादी विद्यार्थी संगठनले संयुक्त रुपमा प्रधानमन्त्री केपी शर्मा ओलीको असंवैधानिक कदम विरुद्ध मशाल जुलुश प्रदर्शन गरेको अनेरास्ववियू ९क्रान्तिकारी० का केन्द्रिय सदस्य एवम् प्रदेश नं। २ का सह संयोजक प्रभाकर गुप्ताले वताए ।
बीरगन्जको घडिअर्वास्थित गीतामन्दिर रोडबाट सुरु भएको प्रदर्शन घण्टाघरमा आएर कोणसभामा परिणत भएको थियो । मशाल जुलुशको प्रदर्शनको क्रममा प्रहरीले हस्तक्षेप समेत गरेका थिए ।प्रधानमन्त्री ओलीद्वारा असंवैधानिक तरिकाले गरिएको संसद विघटन विरुद्ध विद्यार्थी संगठनहरुको केन्द्रिय आन्दोलनको कार्यक्रम अन्तर्गत नै वीरगंज पनि मशाल जुलुश प्रदर्शन गरिएको हो ।
नेवि संघका विकेश पटेल, समाजवादी विद्यार्थी युनियनका एजाबाबु राँकी, अनेरास्ववियु ९क्रान्तिकारी० का कविराज पटेल, अनेरास्ववियुका रन्दिप श्रीवास्तवको नेतृत्वमा ओली सरकारको असंवैधानिक गतिविधी विरुद्ध प्रदर्शन गरिएको हो ।मशाल जुलुशमा सहभागिहरुले केपी ओली मुर्दाबाद, प्रतिगमन मुर्दाबाद, महंगी, भ्रष्टाचार र सरकारका जनविरोधी क्रियाकलाप मुर्दाबाद लगायतका चक्रो नारा समेत लगाएका थिए ।
तपाईको प्रतिक्रिया !