विराटनगरको एउटै वडामा ४७ संक्रमित, दुई जनाको मृत्यु

विराटनगर, २६ साउन । विराटनगरको एउटै वडामा कोरोना संक्रमितको संख्या ४७ पुगेको छ । विराटनगर महानगरपालिका–९ मा आइतबार थप पाँच जनामा कोरोना रिपोर्ट पोजिटिभ देखिएसँगै संक्रमितको संख्या ४७ पुगेको हो ।

संक्रमितमध्ये दुई जनाको मृत्यु भइसकेको छ । विराटनगर–९ गुद्री बजार क्षेत्रका ४५ र ५८ वर्षीय पुरुषको मृत्यु भएको हो । विराटनगर महानगरपालिका–९ का वडा अध्यक्ष विश्वनाथ भगतका अनुसार संक्रमितमध्ये एउटै परिवारका ११ जनासम्म छन् ।

सोमबार पाँच जना पोजिटिभ देखिएको उनले बताए । कोरोना पोजिटिभ देखिएकाहरूलाई आइसोलेशनमा पठाउने तयारी भइरहेको उनले बताए ।

बजार अनिश्चिकालका लागि सिल

विराटनगर महानगरपालिका मेयर भीम पराजुलीका अनुसार गुद्रीबजार क्षेत्रलाई अनिश्चितकालका लागि सिल गरिएको छ ।

कोरोनाको हटस्पट बनेपछि वडा नम्बर ९ को गुद्री बजार क्षेत्रलाई अनिश्चितकालका लागि सिल गरिएको उनले बताए । ‘वडा नम्बर ९ हटस्पट बन्यो,’ उनले भने, ‘यसैले संक्रमण रोक्नका लागि निषेधाज्ञा जारी गरेका छौं ।’

मृतक परिवारका सदस्यमा कोरोना

कोरोना संक्रमणका कारण ज्यान गुमाएका व्यक्तिको परिवारका सबै सदस्यमा कोरोना संक्रमण देखिएको छ । १८ साउनमा कोरोना संक्रमणका कारण ज्यान गुमाएका विराटनगर– ९ का ४५ वर्षीय पुरुषको आफन्तमा संक्रमण पुष्टि भएको हो । सोमबार मृतकको परिवारका ४०, ४२, २६, १८ र २७ वर्षका पुरुषमा कोरोना संक्रमण पुष्टि भएको