वीरगञ्ज । भन्सार छलेर भित्र्याउँदै गरेको अवस्थामा बारा प्रहरीले १२ वटा भैंसीसहित दुई जनालाई नियन्त्रणमा लिएको छ । फेटा गाउँपालिका–१ रजवटीया टोल बस्ने २३ वर्षीय अरुण हजरा र १९ वर्षीय निकेश पासवानलाई नियन्त्रणमा लिएको हो ।
पाडा-पाडीसहित १२ वटा भैंसी भारतबाट भन्सार छलेर भित्र्याउँदै गरेको अवस्थामा फेटा–१ स्थित सार्वजनिक सडकखण्डबाट हजरा र पासवानलाई नियन्त्रणमा लिएको बारा प्रहरीले जनाएको छ । बरामद गरिएका भैंसी तथा पाडापाडीको बजार मूल्य ३ लाख १८ हजार रुपैयाँ रहेको अनुमान प्रहरीले गरेको छ ।
नियन्त्रणमा लिइएका दुवै जनालाई भन्सार ऐन अनुसार आवश्यक कारबाहीका लागि वीरगञ्ज भन्सार कार्यालय पर्सामा बुझाइएको बाराका डीएसपी गौतम मिश्रले जानकारी दिए ।
तपाईको प्रतिक्रिया !