निजामती कर्मचारीहरु द्वारा निजामती सेवा विधेयकको बिरोध

दार्चुला : नेपाल सरकारले हालै पारित गरेको निजामती कर्मचारी सम्बन्धि विधेयकको बिरोधमा निजामती कर्मचारीहरु आन्दोलित बनेका छन् । असार १५ गते प्रतिनिधिसभाको राज्य व्यवस्था तथा सुशासन समितिबाट निजामति सेवा विधेयक पारित भए संगै दार्चुला लगायत देशभरीका निजामती कर्मचारीहरु आन्दोलित बनेका हुन् । राज्य व्यवस्था तथा सुशासन समितिले एकलौटी ढंगबाट विधेयक पारित गरेको भन्दै कर्मचारीहरु आन्दोलित बनेका हुन् ।
सोमबार दार्चुलामा पनि बिधेयकप्रति असहमित जनाउदै अपिनाम्पा संरक्षण क्षेत्र कार्यालय दार्चुलाका कर्मचारीहरु आन्दोलित बनेका छन् । विधेयक अलोकतान्त्रिक र विभेदकारी रहेको भन्दै कर्मचारीहरु आन्दोलित भएको आन्दोेलनमा सहभागि संरक्षण क्षेत्रका गेमस्काउन डब्बल सिंह धामीले बताए ।
निजामती कर्मचारीहरुको आधिकारिक ट्रेड युनियनहरुले देशभरी नै विधेयकको बिरोध गरिरहेकाले आफूहरुले पनि समर्थन जनाएको हो । संसदको राज्य व्यवस्था तथा सुशासन समितिबाट पारित अलोकतान्त्रिक र विभेदकारी संघिय निजामती सेवा ऐन प्रती मेरो पुर्ण असहमति छ जस्ता पम्पेलेटहरु आफ्नो छातीमा टाँसेर बिरोध जनाएको गेमस्काउट धामीले बताए ।
समितिले पारित गरेको संघीय निजामती सेवाको गठन, सञ्चालन र सेवाको सर्त सम्बन्धी विधेयक प्रति निजामती कर्मचारीहरु असन्तुष्टी जनाउँदै विरोधमा उत्रिन थालेका छन ।
विधेयक जनमुखी, कामकाजी तथा आम कर्मचारीको उत्प्रेरणा हुने र मनोबल बढाउने खालको बनाउन माग गर्दै निजामती कर्मचारीहरुले सांकेतिक आन्दोलन गरिरहेका छन् । प्रतिनिधी सभा अन्तर्गत राज्य व्यवस्था तथा सुशासन समितिबाट पारित भएको विधेयक निजामती कर्मचारीको हित विपरित रहेका कारण कर्मचारीहरु आन्दोलनमा उत्रिन बाध्य भएका हुन ।
निजामती सेवा ऐन २०४९ मा भएको राष्ट्रियस्तरका ट्रेड युनियन र आधिकारिक ट्रेड युनियनको व्यवस्था लगायतका ट्रेड युनियन अधिकार खोसिएको आरोप निजामती कर्मचारीहरुको छ ।
असार १८ गते निजामती कर्मचारीहरुको आधिकारिक ट्रेड युनियनले देशव्यापी बिरोधको घोषणा गरे संगै ट्रेड युनियन दार्चुलाले पनि प्रमुख जिल्ला अधिकारी मार्फत् प्रधानमन्त्री तथा सभामूखलाई ज्ञापन बुझाएको छ ।