जनकपुरधाम कृषि ज्ञान केन्द्र धनुषाले मिथिला नगरपालिका विभिन्न वार्डका २०० किसानलाई १००० फलफुलका विरुवा वितरण गरेका छन ।
प्रदेश २ का भूमि व्यवस्था, कृषि तथा सहकारी मन्त्री शैलेन्द्र प्रसाद साहले फलफुलको बिरुवा रोप्दा दोहोरो फाइदा हुने बताए । उनले फलफुलको बिरुवा रोप्दा किसानलाई आर्थिक र पर्यावरण सुधारमा फाइदा पुग्ने जनाए । कृषिमन्त्री साहले शनिबार धनुषाको ढल्केवरमा फलफुलका बिरुवा वितरण कार्यक्रममा बोल्दै भने फलफुलका बिरुवाबाट मनग्य आम्दनी गर्नुका साथै स्वच्छ वातावरण निर्माण सहयोग पुग्ने हुँदा किसानलाई फलफुलका बिरुवा रोप्न सुझाव दिए ।
धनुषाको मिथिला नगरपालिकाको भू–बनोट अन्नसँगै फलफुल उत्पादनका लागि उपयुक्त रहेको बताउँदै कृषिमन्त्री साहले भने, अहिलेको बिरुवा वितरण कार्यक्रम सन्देश मुलक भएको हो । फलफुलका बिरुवा रोपुन भनेर किसानलाई प्रोत्साहन गर्न थोरै भएपनि बिरुवा वितरण गरिएको छ । किसानले फलफुलको बगानै लगाउन चाहन्छ भने पनि प्रयाप्त बोटबिरुवा उपलब्ध गराउने उनले भने ।
किसानलाई फलफुल खेतीमा व्यवसायिक बनाउन प्रदेश २ को भूमि व्यवस्था, कृषि तथा सहकारी मन्त्रालयको योजना अन्तर्गत कृषि ज्ञान केन्द्र धनुषाले एक हजार फलफुलका बिरुवा वितरण गरेको कृषिमन्त्री साहले जानकारी दिए ।
कृषि ज्ञान केन्द्र धनुषाले मिथिला नगरपालिकाका किसानलाई फलफुलका बिरुवा वितरण गरेको छ । मिथिला नगरपालिकाको सदरमुकाम ढल्केवरमा एक कार्यक्रमबीच किसानलाई आँप र लिचिका बिरुवा वितरण गरिएको छ । जसपा नेपालका पूर्व धनुषा जिल्ला अध्यक्ष चन्देश्वर महतोको पहलमा कृषि ज्ञान केन्द्रले मिनपाका २ सय किसानलाई पाँच वटाको दरले विरुवा वितरण गरेका हुन् ।
जसपा नेपालका पूर्व धनुषा जिल्ला अध्यक्ष महतोको अध्यक्षतामा भएको फलफुल बिरुवा वितरण कार्यक्रममा प्रदेश २ को नीति आयोगका सदस्य प्रमिला सिंह, कृषि ज्ञान केन्द्र धनुषाका प्रमुख शंकर प्रसाद साह, सरोजकुमार महतोलगायत किसानहरुको उपस्थिति थियो ।
