बर्दिवास, साउन १३ गते । जनता समाजवादी पार्टीका अध्यक्ष उपेन्द्र यादवले राजनीतिक लोकतन्त्रले मात्र मुलुकको आमूल परिवर्तन सम्भव नरहेको बताउनु भएको छ ।
जसपा मधेश प्रदेश समितिले आज बर्दिवासमा आयोजना गरेका स्थानीय तहमा नवनिर्वाचित प्रमुख/उपप्रमुख ‘हरुको सम्मान कार्यक्रममा अध्यक्ष यादवले मुलुक मा संघिय लोकतान्त्रिक गणतन्त्र स्थापना भएपनि आमूल परिवर्तन का लागी थप संघर्ष को आवश्यकता औल्याउनु भयो । उहाँले भन्नु भयो “राजनीतिक लोकतन्त्र को स्थापनाले राजनीतिक परिवर्तन ल्याएको छ तर आर्थिक र सामाजिक परिवर्तन को लागी अझै संघर्ष गर्नु पर्दछ।
सामाजिक लोकतन्त्र र आर्थिक लोकतन्त्र विना मुलुक को आमूल परिवर्तन सम्भव नरहेको उल्लेख गर्नु हुँदै उहाँले अबको पार्टी को कार्य दिसा नै सामाजिक र आर्थिक लोकतन्त्र हुने बताउनु भयो। समाजको मुलधार भन्दा बाहिर रहेको समुदायलाई मुलधारमा ल्याउन सामाजिक लोकतन्त्र र आर्थिक समानता कायम गर्न आर्थिक लोकतन्त्र आवश्यक रहेको उहाँको कथन थियो ।
वर्तमान निर्वाचन प्रणालीले राजनीतिक लोकततन्त्रलाई विकृत बनाई रहेको उल्लेख गर्नु हुदै अध्यक्ष यादवले प्रत्यक्ष निर्वाचित राष्ट्रपतिय प्रणाली, पूर्ण समानुपातिक संसदीय निर्वाचन र दलविहिन स्थानिय तह आजको मुल आवश्यकता रहेको बताउनु भयो।
जसपा प्रदेश अध्यक्ष रामबाबु यादवको अध्यक्ष मा भएको उक्त कार्यक्रम मा प्रदेश कमिटी का उपाध्यक्ष शम्भु झा, रामपृत पासवान, लिला हरी खतिवडा सहितले शुभकामना मन्तब्य राख्नु भएको थियो
कार्यक्रममा जसपाको तर्फ बाट मधेश प्रदेशमा निर्वाचित नगर प्रमुख, उपप्रमुख तथा गा.पा. अध्यक्ष/उपाध्यक्ष हरुलाई सम्मान गरिएको थियो ।
