जनकपुरधाम, भदौ ११ । प्रदेश २ सरकारले प्रत्येक जिल्लामा पिसीआर मेसिन जडान गर्ने भएको छ । प्रदेश २ को ४ वटा जिल्लामा पिसीआर मेसिन जडान गर्ने अन्तिम तयारी भई रहेको छ भने ४ वटा जिल्लाको पिसीआर मेसिन प्रक्रियामा रहेको छ ।
अहिले दैनिक एक हजारको हराहारीमा स्वायव संकलन गर्ने कार्य भई रहेको छ । सवै जिल्लामा पिसीआर मेसिन जडान भई सकेपछि एक घर एक टेष्ट प्रक्रियामा जाने जनाइएको छ । प्रदेश २ सरकारले पिसीआर मेसिन जडान तथा भेन्डिलेटर खरिद गर्ने कार्यलाई समेत अगाडी बढाएको छ ।
सवै भन्दा पहिला रौतहट जिल्लामा पिसिआर मेसिन जडान गर्ने भएको छ । रौतहटमा ३/४ दिनमा पिसीआर मेसिन जडान भई सक्ने जनाइएको छ । प्रत्येक जिल्लामा पिसीआर मेसिन जडान भई सकेपछि प्रत्येक दिन बढ्ने संक्रमितको पहिचान तथा उनीहरुको हेरचाहमा पनि सहयोग पुग्ने भएको छ ।
प्रदेश २ सरकारले अहिले आरडिटि र पिसिआर दुवै प्रविधिवाट कोरोना भाइरसवाट संक्रमितको पहिचान गरि रहेका छन् ।
हिजो सम्म कुल २६ हजार ८ सय ६८ जनाको आरडिटी टेष्ट गरिएको छ जसमा १२ सय ६ जना संक्रमित भेटाएका छन् । सप्तरीमा ६२, सिरहामा २ सय ६४, धनुषामा १ सय ६६, महोत्तरीमा ५ सय ६, सर्लाहीमा ६, रौतहटमा १ सय २७, बारामा ४६ र पर्सामा २९ जना रहेको छ भने बाकी २५ हजार ६ सय ६२ जना संक्रमित नरहेको छ ।
त्यस्तै हिजो ९ सय १४ वटा स्वाव संकलन सहित हिजो सम्म ९१ ह्जार ७ सय ८ जनाको स्वायव संकलन गर्दा ९ हजार ४ सय २७ जनामा पोजेटिभ आएको छ । सप्तरीमा ७ सय ४७, सिरहामा ३ सय ९०, धनुषामा १३ सय ४२, महोत्तरीमा ११ सय ५५, सर्लाहीमा १३ सय ५१, रौतहटमा १६ सय ३, बारामा ७ सय ७६ र पर्सामा २० सय ५७ जनाको स्वायव संकलन गरिएको छ भने एक जना जिल्ला नखुलेका र पाँच जना भारतीय रहेका छन् । कुल ९१ ह्जार ७ सय ८ जना मध्ये ७८ हजार १ सय ६८ जनामा निगेटिभ आएको छ भने बाँकी ४ हजार १ सय १३ जनाको रिपोर्ट आउन बाँकी रहेको छ ।
हिजो १ सय २८ जना डिस्चार्ज भएको छ । सप्तरी ११, सिरहा १५, धनुषा ८, सर्लाही २, रौतहट ९, बारा १७ र पर्सावाट ६६ जना डिस्चार्ज भएको छ । हिजो सम्म कुल ४ हजार ४ सय ३९ जना डिस्चार्ज भएका छन । जस मध्ये सप्तरीमा ५ सय ३८, सिरहामा २ सय २९, धनुषामा ८ सय ३२, मोत्तरीमा ४ सय ३०, सर्लाहीमा ६ सय ९२, रौतहटमा ७ सय ९९, बारामा २ सय ६३, पर्सामा ६ सय ५० जनाका साथै अन्य ६ जना रहेका छन् ।
प्रदेश २ मा हिजो सम्म ६४ जनाको मृत्यु भई सकेको छ । मृत्यु हुनेमा धनुषाका ११, महोत्तरीका ३, सिरहाका ४, सप्तरीका ५, सर्लाहीका ३, रौतहटका ३, बाराका ७ र पर्साका २८ जना रहेका छन् जसमा ५४ जना पुरुष र १० जना महिला रहेका छन् ।
