द प्रदेश टाइम्स / पर्सा । नेपाल विद्युत प्राधिकरण वीरगञ्ज वितरण केन्द्रले लकडाउन अवधिको विद्युत महशुलमा समेत २५ प्रतिशत जरिवाना लिएको विरोधमा संघिय सांसदले धर्ना दिएका छन् ।
जनता समाजवादी पार्टी वीरगञ्ज नगर समितिले गरेको विरोध कार्यक्रममा संघिय सांसद प्रदीप यादव, प्रदेश सभा सदस्य मञ्जुर आलम लगायतका नेता कार्यकर्ता प्राधिकरण कार्यालयको मूल गेटमा बिहान १० बजेदेखि १ घण्टा धर्नामा बसेका हुन् ।
विद्युत प्राधिकरणले लकडाउन खुलेको केही दिनमै २५ प्रतिशत जरिवाना लिन थालेको र अनावश्यक विद्युत कटौती गरेकोमा विरोध जनाएको सांसद यादवले बताउनुभयो ।
असोज १५ गतेभित्र विद्युत महशुल भुक्तानी गरेका ग्राहकसँग लिइएको जरिवाना रकम अर्को महिनामा मिलान गरिने वीरगंज विद्युत प्राधिकरण वितरण केन्द्रले बताएको छ ।
भदौं २३ गतेबाट निषेधाज्ञा खुकुलो भएपछि भदौ २५ गतेदेखि नै विद्युत महशुल काउन्टर सञ्चालनमा आएका थिए । असोज १५ गतेसम्म महशुल भुक्तानीमा जरिवाना नलाग्नुपर्नेमा विलिङ सिस्टममा प्राविधिक भएको प्राधिकरणको तर्क छ ।
