सुशान्त जस्तै देखिने एक व्यक्तिको भिडियो र तस्विरहरू भाइरल

काठमाडौं । सुशान्त सिंह राजपूतको  गत जुन १४ मा मृत्यु भएको थियो । यो दुःखबाट  उनका प्रशंसकहरू बाहिर आउन सकिरहेका छैनन् । सोशल मिडियामा उनका प्रशंसकहरु लगातार न्यायको लागि माग गर्दै छन् । यसैबीच, सुशांत सिंह जस्तै ठ्याक्कै अनुहार मिलेको एक व्यक्तिको भिडियो र तस्विरहरू सोशल मिडियामा भाइरल भइरहेको छ ।

सचिन तिवारी नामको उक्त व्यक्ति सुशान्त सिंह जस्तै देखिन्छन् । सचिनको इन्स्टाग्राम एकाउन्टमा उनको धेरै तस्विर र भिडियोहरू देखिएको छ, जसमा उनले सुशांतको नक्कल गरिरहेको देख्न सकिन्छ । सचिन सुशान्तको ठूलो प्रशंसक हुन्, यसैले उनले आफ्नो लुकको साथ सुशान्तको जीवनशैलीलाई राम्ररी पछ्याइरहेका छन् ।

सुशान्त सिंहको मृत्यु पछि, सचिनको इन्स्टाग्राम अनुयायीहरू बढिरहेका छन् । सचिनका अनुयायीहरू अहिले १० हजार पार भइसकेका छन् । अहिले सचिनको लोकप्रियता द्रुत गतिमा बढ्दैछ । सचिनले यसका लागि फ्यानहरूलाई पनि धन्यवाद दिएका छन् ।

सोशल मिडिया प्रयोगकर्ताहरूले सचिनको फोटोलाई मिश्रित प्रतिक्रिया दिइरहेका छन् । कसैले सचिनलाई सुशान्तको जुडवा भनिरहेका छन् भने कोहीले कुनै व्यक्तिले पनि सुशान्तको ठाउँ लिन नसक्ने बताएका छन् ।