प्रदेश निजामती ऐन संशोधन गर्न माग

जनकपुरधाम,भदौ २२ गते । मधेश प्रदेशको प्रदेश निजामती ऐन २०७७ लाई संशोधन गर्न जनकपुरधामका युवा चिकित्सकहरुले मुख्य मंत्री सरोज कुमार यादवलाई ज्ञापनपत्र बुझाएका छन।
सो ज्ञापनपत्रमा प्रदेश निजामती ऐन २०७७ को दफा १६ को ‘ग’ १ मा स्वास्थ सेवा हकमा ४० वर्ष उमेर उल्लेख गरिएको ऐनको दफा नेपाल को संविधान २०७२ को संघीय ऐन संग बाझिएको हुंदा सो संघीय स्वास्थ ऐनमा लेखिएको स्वास्थ सेवाको हकमा ४५ वर्ष उमेर तोकि प्रदेश निजामती ऐन को १६ को ग को १ संशोधन गर्न माग गरिएको छ।
नेपाल को विशिष्ट श्रेणीमा रहेको स्वास्थ सेवा को हकमा एम वि वि एस अध्ययन पूरा गरि ४५ वर्ष उमेर सम्म विज्ञापनमा सहभागी हुने व्यवहारिक पनि रहेको ले स्वास्थ सेवाको हकमा ४० वर्षको सट्टा ४५ वर्ष सम्म उपयुक्त हुने कुरा ज्ञापनपत्रमा उल्लेख गरिएको छ।
साथै मधेश प्रदेशमा प्रदेश निजामती ऐन २०७७ बमोजिम पदपूर्ति का लागि जारी गरिएको विज्ञापन मा समावेश हुन हामी बहुसंख्यक युवा चिकित्सक प्रदेश निजामती ऐन कै कारण बन्चित रहेको ले जारी गरिएको विज्ञापन हाललाई स्थगित गरि, संघीय ऐन बमोजिम प्रदेश निजामती ऐन लाई संशोधन गरि प्रदेश मा रिक्त रहेको स्वास्थ सेवा क्षेत्र दरवन्दी एकिन गरि विज्ञापन प्रकाशन गर्न माग गरिएको ।
मधेश प्रदेशको राजधानी जनकपुरधामको प्रादेशिक अस्पताल सहित मधेश प्रदेशका ८ जिल्लाहरुको विभिन्न सरकारी तथा गैरसरकारी अस्पतालमा कार्यरत युवा चिकित्सकहरुले हस्तान्तरण गरि मुख्यमंत्री यादव, सभामुख रामचन्द्र मंडल, स्वास्थ मंत्री विरेन्द्र सिंह, स्वास्थ मन्त्रालयका सचिव डा प्रमोद यादव, मुख्य न्यायधिवक्ता विरेन्द्र ठाकुर, मधेश लोकसेवा अायोग का अध्यक्ष सुरेन्द्र यादव लाई छुट्टाछुट्टै ज्ञापनपत्र बुझाएका कुरा डा निरन्जन कुमार गोईत यादवले जानकारी दिए छन।