दार्चुला / सशस्त्र प्रहरी बलको छाङरुस्थित बोर्डर आउट पोस्ट (बीओपी) ले छाङरुदेखि तिङ्कर भन्ज्याङ जाने करीब ११ किलोमीटर गोरेटो बाटो मर्मत गरेको छ।
सशस्त्र प्रहरी निरीक्षक लिलि बहादुर चन्दको टोलीले स्थानीय जनता सँगको सहकार्यमा सुक्खा तथा हिउँ पहिरो हटाएर गोरेटो बाटो पुन श‘चारु गराएको हो। सुक्खा पहिरोका कारण लामो समयदेखि सो गोरेटो बाटोबाट आवतजावत बन्द भएको थियो ।
सशस्त्रले बाटो शुरु गराएपछि स्थानीय जनता खुशी भएका छ्न्। बाटो मर्मतपछि सदरमुकाम बसाइँसराइ गरी गएका तिङ्करका बासिन्दा गाउँ फर्कन, चौपाया तथा खाद्यान्न लैजान समेत सहज भएको छ । यस्तै १७.४५ किलोवाटको छाङरु जलविद्युत आयोजनाको नहर समेत सशस्त्र प्रहरीले मर्मत गरेको छ । हिउँ पहिरोका कारण ठाउँ ठाउँमा भत्किएको सो नहरको हिउँ पन्छाएर जलविद्युत सेवा पुन शुरु गर्न सशस्त्र प्रहरीले सहयोग गरेको हो।
दुवै कार्यमा स्थानीय जनताको समेत सहभागिता थियो । बीओपी स्थापना भएदेखि नै सशस्त्र प्रहरी बलको टोली विभिन्न सामाजिक कार्यमा सहभागी हुँदै आएको छ।
तपाईको प्रतिक्रिया !