द प्रदेश टाइम्स / राजविराज, १८ असोज। जनता समाजवादी पार्टीमा पछिल्लो समय उत्पन्न भएको विवाद तत्कालका लागि समाधान भएको छ । दुई पक्षका विच गत असोज ३ गतेदेखि सार्वजनिक रुपमा देखिएको विवाद आईतवार राष्ट्रिय अध्यक्ष उपेन्द्र यादवको उपस्थितीमा आत्मआलोचना सहित सकिएको छ।
तत्कालिन समाजावादी फोरमका तर्फवाट जिल्ला अध्यक्ष केदार प्रसाद यादव र राजपाकाको तर्फवाट हरेराम यादवले संयक्त विज्ञप्ति जारी गरी असोज ३ गतेको घट्नाका सम्वन्धमा पार्टी अध्यक्ष उपेन्द्र यादवको उपस्थितिमा छलफल गरी संलग्न ब्यक्तिहरुले आत्मआलोचना गरेको र समस्या समाधान भएको उल्लेख छ ।
विज्ञप्ति अनुसार भिमराज यादव तथा लक्ष्मण यादवमाथि गरिएको निलम्वनको कारवाही फिर्ता भएको छ । भने भिमराज यादव, अशोक यादव र सत्यानारायण यादवलाई माथिल्ला कमिटि समेतवाट हटाउन गरिएको सिफारिस फिर्ता लिईएको छ ।
तत्कालीन समाजवादी पार्टीका पदाधिकारी र राजपा अध्यक्ष मण्डलको असोज १५ गते वसेको संयुक्त वैठकले जिल्ला सदस्य एवम राजविराज नगर अध्यक्ष भिमराज यादव तथा जिल्ला सदस्य लक्ष्मण यादवलाई ६ महिनाका लागि निलम्वन गरेको थियो ।
जनता समाजवादी पार्टी सप्तरीका अध्यक्ष केदार प्रसाद यादव र हरेराम यादवले विहिवार जारी गरेको प्रेस बिज्ञाप्तिमा भिमराज यादव र अशोक यादवलाई केन्द्रिय सदस्य तथा सत्य नारायण यादवलाई मधेश प्रदेश समिति सदस्यवाट हटाउन सिफारिस गर्ने निर्णय गरेको जनाईएको थियो।
गत असोज ३ गते राजबिराजमा आयोजित विरोध सभामा पार्टीको आचार संहिता उल्लंघन गरी खराव आचरण देखाएको र पार्टीले स्पष्टीकरण माग्दा अवज्ञा गरेकाले कारवाही गर्नु परेको विज्ञप्तिमा जनाईएको थिया ।
लगत्तै, कारवाहीको लागि नाम सिफारिस भएका मधेश प्रदेश समिति सदस्य एवम् जिल्ला पार्टी इन्चार्ज सत्यनारायण यादव र तत्कालिन राजपा नेपालको अध्यक्ष मण्डलका सदस्य सुनिकुमार झाले असोज १६ गते प्रेस विज्ञप्ति जारी गरी निर्णयको विरोध गरेका थिए ।
जिल्ला पार्टी इन्चार्ज यादवले जारी गरेको विज्ञप्तिमा जसपाको लेटर प्याड दुरुपयोग गरेको आरोप थियो। जनताको अधिकारका लागि पार्टीमा लामो समयदेखि सकृय भुमिका र योगदान दिदै आएकाहरु माथि कारवाहीको सिफारिस र निलम्वन गरिएको ब्यहोराको विज्ञप्ति आपत्ति जनाईएको थियो।
हाल जसपाका राष्ट्रिय अध्यक्ष तथा वरिष्ठ नेतासहितको कार्यकारीणी समिति वाहेक कुनै निकायमा पदाधिकारी र समिति नरहेको उल्लेख गर्दै लेटर प्याडको दुरुपयोग गरी जनमानसमा भ्रम फैलाई राजनितिक चरित्र हत्या गर्ने प्रयासको भत्र्सना समेत थियो। उनले त्यस्तो विज्ञप्ति जारी गर्ने र भ्रम छर्नेलाई कारवाही गर्न केन्द्रिय नेतृत्वसँग माग गरेका थिए ।
यसैगरी, तत्कालिन राजपा अध्यक्ष मण्डलका सदस्य झाले गलत प्रवृत्ति वोकेका र जनाधार नभएका केहि ब्यक्तिले पार्टीको हित विपरित र आफनो क्षेत्राधिकार भन्दा वाहिर गएर भ्रम श्रृजना गरेको जनाईएका थिए ।
तत्कालिन राजपाको संयोजकको हैसियतमा विज्ञप्ति जारी गरिएको कार्यप्रति ध्यानाकर्षण भएको जनाउँदै राजपा नेपालको अध्यक्ष मण्डलको दुई महिने कार्यअवधि सकिएको महिनौ पछि संयोजकको हैसियतमा जारी गरिएको विज्ञप्तिको भत्र्सना गरिएको थियो।
