जनकपुरधाम, जेष्ठ ११ गते। जनता समाजवादी पार्टी नेपालका समाजवादी प्रदेश सांसद रामअशिष यादवले जनप्रतिनिधिहरु जन सेवक भएर जनसेवा गर्नुपर्ने आजको आवश्यकता रहेको कुरा बताउनुभएको छ।
शहिदनगर नगरपालिका को नवनिर्वाचित जनप्रतिनिधिहरु को पदभार ग्रहण तथा शपथ ग्रहण समारोहलाई सम्बोधन गर्ने क्रममा प्रमुख अतिथि प्रदेश सांसद यादवले समृद्धि र विकासको मेरुदण्ड नै शिक्षा रहेको ले शिक्षा सुधार मा जोड दिनुपर्ने सुझाव दिनुभयो।
उहाँले स्थानीय सरकार सञ्चालन ऐन २०७४ को मर्म अनुसार शहिदनगर नगरपालिकाको समग्र विकासमा जोड दिनुपर्ने आवश्यकता माथि मा जोड दिनुभयो।
प्रदेश सांसद यादवको विशेष उपस्थितिमा नगर प्रमुख दिनेश प्रसाद यादवले उपप्रमुख, वार्ड अध्यक्ष र वार्ड सदस्यहरुलाई पद तथा गोपनीयताको शपथ ग्रहण गराएका छन्
सो अवसरमा बोल्दै शहिदनगर नगरपालिका का नवनिर्वाचित नगर प्रमुख दिनेश प्रसाद यादवले जर्जर अवस्थामा रहेको सामुदायिक शिक्षा, स्वास्थ्यलाई पहिलो प्राथमिकता मा राखेर सुधार गर्ने प्रतिबद्धता व्यक्त गरेका छन्।
सो अवसरमा मा प्रदेश सांसद यादव, जनकपुरधाम उधोग वाणिज्य संघ का उपाध्यक्ष अम्भु प्रसाद साह र वरिष्ठ कविराज राम छबिला यादव ले पर्यावरण संरक्षण को सन्देश दिदै नगर प्रमुख र उपप्रमुखलाई रुख उपहार र स्वस्थ रहन सन्देश दिदै जडिबुटी विरुवा उपहार दिएका छन्
सो अवसरमा जसपा जिल्ला उपाध्यक्ष अम्भु प्रसाद साह, प्रमुख प्रशासकीय अधिकृत रामकिशोर महतो सहितका वक्ताहरुले नवनिर्वाचित जनप्रतिनिधिहरु लाई शुभकामना व्यक्त गरेका छन्।
